श्रीगोंदा – शेतकऱ्यांचा वीजप्रश्नासाठी एल्गार; भानगाव सबस्टेशनवर रास्ता रोको आंदोलन.
पत्रकार राधाजी व्यवहारे श्रीगोंदा तालुका प्रतिनिधी
राष्ट्रीय अध्यक्ष संपादक प्रल्हाद चव्हाण – 8208717483
श्रीगोंदा – शेतकऱ्यांचा वीजप्रश्नासाठी एल्गार; भानगाव सबस्टेशनवर रास्ता रोको आंदोलन.
श्रीगोंदा तालुका प्रतिनिधी : राधाजी व्यवहारे
देऊळगाव फाटा, भानगाव – ढोरजे रोड | ५ ऑक्टोबर २०२६
शेतीसाठी नियमित, सुरळीत आणि पुरेसा वीजपुरवठा मिळावा, तसेच वारंवार होणारे वीजखंडित होण्याचे प्रकार तातडीने थांबवावेत, या प्रमुख मागणीसाठी ५ ऑक्टोबर २०२६ रोजी भानगाव सबस्टेशन, देऊळगाव फाटा, ढोरजे रोड येथे शेतकरी बांधवांच्या वतीने रास्ता रोको आंदोलन करण्यात आले.
शेतीच्या हंगामात विजेचा अनियमित व अपुरा पुरवठा होत असल्याने शेतकऱ्यांना मोठ्या अडचणींचा सामना करावा लागत आहे. पिकांना वेळेवर पाणी देता येत नसल्याने शेती उत्पादनावर त्याचा थेट परिणाम होत असल्याची भावना आंदोलनकर्त्या शेतकऱ्यांनी व्यक्त केली.
शेतीपंपांसाठी सुरळीत व नियमित वीजपुरवठा उपलब्ध करून द्यावा, वारंवार खंडित होणारा वीजपुरवठा थांबवावा आणि शेतकऱ्यांसाठी वीजसेवा अधिक सुलभ व विश्वासार्ह करावी, अशी मागणी यावेळी करण्यात आली.
हातात विविध मागण्यांचे फलक घेत शेतकऱ्यांनी प्रशासनाचे लक्ष वेधले. “एक आवाज, शेतीची पिके वाचवण्यासाठी” या भावनेतून करण्यात आलेल्या या आंदोलनात परिसरातील शेतकरी सहभागी झाले.
आयोजक : समस्त ग्रामस्थ, ढोरजे शेतकरी
