शिरूर:-“दानात आहे खरे सुख… भैरवनाथाच्या कृपेने उजळणार शिक्रापूर!”
पत्रकार योगिता पाटील शिरूर तालुका महिला कार्याध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
“दानात आहे खरे सुख… भैरवनाथाच्या कृपेने उजळणार शिक्रापूर!”
तालुका प्रतिनिधी योगिता पाटील
शिक्रापूर (ता. शिरूर, जि. पुणे) येथे सालाबादप्रमाणे यंदाही ग्रामदैवत श्री भैरवनाथ यात्रेचे भव्य आयोजन करण्यात आले आहे. गावातील श्रद्धा, परंपरा आणि भक्तीचा संगम असलेल्या या यात्रेनिमित्त विविध धार्मिक कार्यक्रमांचे आयोजन करण्यात आले असून वातावरण पूर्णपणे भक्तिमय झाले आहे.
“जेव्हा आपण पैसा कमवतो तेव्हा आपल्या घरात सुख येते, पण जेव्हा आपण दान करतो तेव्हा आपल्या आयुष्यात खरे सुख येते,” या प्रेरणादायी संदेशाने यंदाची यात्रा अधिक अर्थपूर्ण ठरत आहे.
यात्रेनिमित्त अखंड हरिनाम सप्ताह, कीर्तन, प्रवचन तसेच हरी जागराचा भव्य कार्यक्रम आयोजित करण्यात आला आहे. या कार्यक्रमात गावकरी, भाविक आणि व्यावसायिक मंडळी मोठ्या संख्येने सहभागी होत आहेत.
या उत्सवाचे आयोजन भैरवनाथ मंदिराचे अध्यक्ष श्री राजाभाऊ मांढरे, उपाध्यक्ष उत्तम शेठ गायकवाड, सचिव दिलीप कोठावळे, कोषाध्यक्ष अर्जुन शिर्के तसेच सर्व ग्रामस्थ आणि व्यावसायिक मंडळी यांच्या सहकार्याने करण्यात आले आहे.
शिक्रापूर गाव सध्या भक्ती, एकता आणि सामाजिक बांधिलकीचे सुंदर उदाहरण ठरत असून, भैरवनाथाच्या कृपेने गावात आनंद, समाधान आणि समृद्धीचे वातावरण निर्माण झाले आहे.
🙏 “भक्ती, दान आणि परंपरेचा संगम – शिक्रापूरची भैरवनाथ यात्रा!”
