साताऱ्यात पीपल्स रिपब्लिकन पार्टीची ताकद वाढली! ॲड.शैलेश निकम व ॲड.राजेश निकम यांचा पक्षात जाहीर प्रवेश.
पत्रकार नित्यानंद मोरे वाई शहर प्रतिनिधी
राष्ट्रीय अध्यक्ष संपादक प्रभाग चव्हाण – 8208717483
साताऱ्यात पीपल्स रिपब्लिकन पार्टीची ताकद वाढली! ॲड.शैलेश निकम व ॲड.राजेश निकम यांचा पक्षात जाहीर प्रवेश.
अन्यायाविरोधात आवाज उठविणारे तसेच आपल्या कार्यशैलीतून सामाजिक प्रश्नांना वाचा फोडणारे सातारा जिल्ह्यातील ॲड. शैलेश निकम व ॲड. राजेश निकम यांनी रविवार, दि. २३ ऑगस्ट २०२६ रोजी पीपल्स रिपब्लिकन पार्टीमध्ये जाहीर प्रवेश केला.
पीपल्स रिपब्लिकन पार्टीचे राष्ट्रीय अध्यक्ष, लॉन्ग मार्चचे प्रणेते तथा माजी खासदार, आमदार प्रा. जोगेंद्र कवाडे सर आणि राष्ट्रीय कार्याध्यक्ष, महाराष्ट्र लघु उद्योग विकास महामंडळाचे उपाध्यक्ष तथा राज्यमंत्री जयदीपभाई कवाडे यांच्या नेतृत्वावर विश्वास व्यक्त करत दोन्ही ॲडव्होकेट्सनी पक्षात प्रवेश केला.
सातारा येथील रेस्ट हाऊस येथे झालेल्या प्रवेश कार्यक्रमास पीपल्स रिपब्लिकन पार्टीचे सातारा जिल्हाध्यक्ष युवराज कांबळे, सातारा युवक जिल्हाध्यक्ष अनमोल कांबळे, जिल्हा महासचिव प्रणित मोरे, वाई तालुकाध्यक्ष विजयभाऊ सातपुते यांच्यासह पक्षाचे पदाधिकारी व कार्यकर्ते उपस्थित होते.
ॲड. शैलेश निकम आणि ॲड. राजेश निकम यांच्या पक्षप्रवेशामुळे सातारा जिल्ह्यात पीपल्स रिपब्लिकन पार्टीच्या संघटनात्मक विस्ताराला अधिक बळ मिळणार असल्याची भावना यावेळी व्यक्त करण्यात आली. सामाजिक न्याय, वंचित घटकांचे प्रश्न आणि अन्यायाविरोधातील लढा अधिक प्रभावीपणे पुढे नेण्यासाठी दोन्ही नव्या पदाधिकाऱ्यांच्या अनुभवाचा पक्षाला निश्चितच फायदा होईल, अशी अपेक्षा कार्यकर्त्यांनी व्यक्त केली.
यावेळी उपस्थित पक्ष पदाधिकाऱ्यांनी ॲड. शैलेश निकम व ॲड. राजेश निकम यांचे पक्षात स्वागत करून त्यांच्या पुढील सामाजिक व राजकीय वाटचालीस शुभेच्छा दिल्या.
साताऱ्यात नव्या नेतृत्वाची भर — पीपल्स रिपब्लिकन पार्टीच्या संघटन विस्ताराला मिळणार नवे बळ!
