वाई:-पश्चिम भागात शिवसेनेचा ‘सणस पॅटर्न’; ज्ञानदेव शेठ सणसांच्या एन्ट्रीमुळे राजकीय भूकंपाच्या चर्चा.
पत्रकार सारिका गवते वाई तालुका महिला अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
पश्चिम भागात शिवसेनेचा ‘सणस पॅटर्न’; ज्ञानदेव शेठ सणसांच्या एन्ट्रीमुळे राजकीय भूकंपाच्या चर्चा.
वाई : वाई तालुक्यातील पश्चिम भागातील राजकीय वातावरणाला नवे वळण देणारी घडामोड घडली असून उद्योजक व सामाजिक कार्यकर्ते ज्ञानदेव शेठ सणस यांनी शिवसेना (एकनाथ शिंदे गट) मध्ये जाहीर प्रवेश केला आहे. हिंदुहृदयसम्राट बाळासाहेब ठाकरे यांच्या विचारांनी प्रेरित होऊन तसेच राज्याचे उपमुख्यमंत्री Eknath Shinde यांच्या नेतृत्वावर विश्वास व्यक्त करत त्यांनी शिवसेनेत प्रवेश केला.
ज्ञानदेव शेठ सणस हे पश्चिम भागातील प्रभावी उद्योजक आणि सामाजिक क्षेत्रातील सक्रिय व्यक्तिमत्त्व म्हणून ओळखले जातात. त्यांच्या दांडग्या जनसंपर्कामुळे आणि युवकांमध्ये असलेल्या प्रभावामुळे त्यांच्या प्रवेशाची तालुकाभर जोरदार चर्चा सुरू झाली आहे. त्यांच्या या निर्णयामुळे वाई तालुक्यातील शिवसेनेची ताकद वाढणार असल्याचे बोलले जात असून आगामी स्थानिक राजकारणात नव्या समीकरणांची जुळवाजुळव सुरू होण्याची चिन्हे दिसू लागली आहेत.
विशेषतः पश्चिम भागात सणस यांचे मजबूत नेटवर्क आणि कार्यकर्त्यांवरील पकड लक्षात घेता शिवसेनेला संघटनात्मक बळ मिळणार असल्याची चर्चा राजकीय वर्तुळात रंगली आहे. त्यांच्या प्रवेशामुळे महायुतीला स्थानिक स्तरावर फायदा होण्याची शक्यता व्यक्त केली जात आहे.
यावेळी शिवसेना कार्यकर्त्यांमध्ये उत्साहाचे वातावरण निर्माण झाले असून अनेकांनी ज्ञानदेव शेठ सणस यांच्या निर्णयाचे स्वागत केले. विकासाभिमुख राजकारण, सर्वसामान्यांच्या प्रश्नांवर लढा आणि पश्चिम भागाच्या विकासासाठी कटिबद्ध राहण्याचा निर्धार त्यांनी व्यक्त केला.
ज्ञानदेव शेठ सणस यांच्या शिवसेनेतील प्रवेशामुळे वाई तालुक्यातील राजकीय वातावरण आणखी तापण्याची शक्यता व्यक्त केली जात असून आगामी निवडणुकांच्या पार्श्वभूमीवर या घडामोडीकडे विशेष लक्ष लागले आहे.
