पुणे:-गॅस टंचाईची झळ पुण्यालाही; हॉटेल-व्यावसायिक चिंतेत”.
पत्रकार प्रमोद काळे हवेली तालुका उपाध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
पुणे:-गॅस टंचाईची झळ पुण्यालाही; हॉटेल-व्यावसायिक चिंतेत”.
हवेली प्रतिनिधी – प्रमोद काळे
पुणे शहरात व्यावसायिक गॅसच्या टंचाईची समस्या निर्माण होऊ लागल्याने हॉटेल आणि खाद्यव्यवसायिकांमध्ये चिंतेचे वातावरण निर्माण झाले आहे. गेल्या काही दिवसांपासून गॅस पुरवठा कमी प्रमाणात होत असल्याने अनेक हॉटेल चालकांना अडचणींचा सामना करावा लागत आहे.
पश्चिम आशियातील तणावपूर्ण परिस्थिती आणि पुरवठा साखळीतील अडचणी यांचा परिणाम देशातील गॅस वितरणावर होत असल्याचे सांगितले जात आहे. त्याची झळ आता पुण्यातील हॉटेल व्यवसायालाही बसू लागली आहे. अनेक ठिकाणी गॅस सिलिंडर वेळेवर उपलब्ध होत नसल्यामुळे स्वयंपाकाच्या कामावर परिणाम होत असून काही व्यावसायिकांना पर्यायी व्यवस्था करण्याचा विचार करावा लागत आहे.
हॉटेल चालक आणि लघुउद्योजकांनी प्रशासनाकडे तातडीने गॅस पुरवठा सुरळीत करण्याची मागणी केली आहे. येत्या काही दिवसांत परिस्थिती सुधारली नाही, तर खाद्यव्यवसायावर मोठा परिणाम होण्याची भीती व्यक्त केली जात आहे.
