पुणे:-वारजे माळवाडीत “भगव्या उत्साहात न्हाऊन निघाली गुलमोहर कॉलनी!”
पत्रकार विजय देवकुळे पुणे जिल्हा उपाध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
पुणे:-वारजे माळवाडीत “भगव्या उत्साहात न्हाऊन निघाली गुलमोहर कॉलनी!”
पुणे जिल्हा प्रतिनिधी – विजय देवकुळे
गोकुळ नगर पठार, वारजे माळवाडी येथील आदर्श ग्रुप, गुलमोहर कॉलनीमध्ये यंदाची श्री छत्रपती शिवाजी महाराज जयंती अभूतपूर्व उत्साहात आणि जल्लोषात साजरी करण्यात आली. संपूर्ण गुलमोहर कॉलनी भगव्यमय झाली होती. ढोल-ताशांचा गजर, आकर्षक मांडव, रोषणाई आणि शिस्तबद्ध आयोजन यामुळे परिसरात उत्साहाचे वातावरण निर्माण झाले होते.
आदर्श ग्रुपने कार्यक्रमासाठी विशेष मेहनत घेतली होती. मांडव, लाईट, ध्वनी व्यवस्था, आसनव्यवस्था ते शिस्तबद्ध नियोजन – सर्वच बाबींमध्ये उत्कृष्ट नियोजन पाहायला मिळाले. उपस्थित नागरिकांनी ग्रुपच्या कार्याचे कौतुक करत “असे आयोजन म्हणजे आदर्श ग्रुपची ओळख” अशी प्रतिक्रिया दिली.
मान्यवरांची प्रेरणादायी व्याख्याने या शिवजयंती सोहळ्यास प्रमुख पाहुणे म्हणून श्री पराशर मोने सर
शिवप्रतिष्ठान हिंदुस्तान चे प्रवक्ते श्री विनायक काळे सर श्री विनोद रोहिले सर श्री योगेश रामराव चव्हाण (राष्ट्रीय स्वयंसेवक संघ) श्री स्वप्निल बेंडे सर
यांनी उपस्थित राहून शिवचरित्रावर प्रेरणादायी विचार मांडले. शिवरायांच्या शौर्य, स्वाभिमान आणि हिंदवी स्वराज्याच्या संकल्पनेवर भाष्य करत त्यांनी युवकांना संघटित होण्याचे आवाहन केले.
चंद्रकांत नेमाने यांच्या मार्गदर्शनाखाली यशस्वी आयोजन या संपूर्ण कार्यक्रमाची रूपरेषा धाडसी आणि सदैव हसतमुख व्यक्तिमत्त्व असलेले श्री चंद्रकांत नेमाने साहेब यांच्या मार्गदर्शनाखाली आखण्यात आली.
आदर्श ग्रुपमधील राहुल सुरवसे, रोहित मुर्तुंगेकर, महेश मोरे, राम तिर्थ, अनिल हुमणे, संदीप पुनवत, गुंडाप्पा कोटमाळे, अरुण गिरी, रुपेश परब, लक्ष्मण सुरवसे, सुनील भुवड, संदीप कळंबांटे, अक्षय नाचरे, रुपेश गावडे, शंकर पाटील, महेश चुंगे, सचिन नाटेकर, मनोज भुवड, विलास शिगवण तसेच महिला मंडळ आणि लहान मुलांनी मोठ्या उत्साहाने सहभाग घेतला.
सामाजिक एकतेचा संदेश कार्यक्रमात लहान मुलांच्या देशभक्तीपर सादरीकरणांनी आणि घोषणांनी वातावरण भारावून गेले. महिला मंडळानेही सक्रिय सहभाग घेत कार्यक्रमाची शोभा वाढवली.
शिस्त, संघटन आणि शिवप्रेम यांचा संगम असलेला हा सोहळा वारजे माळवाडी परिसरासाठी प्रेरणादायी ठरला. आदर्श ग्रुपचे कार्य हे केवळ उत्सवापुरते मर्यादित नसून समाजाला एकत्र आणणारे आणि युवकांना दिशा देणारे असल्याचे उपस्थितांनी नमूद केले.
“जय भवानी, जय शिवाजी” च्या घोषणांनी गुलमोहर कॉलनी दुमदुमली आणि अत्यंत आनंददायी वातावरणात कार्यक्रमाची सांगता झाली.
