महाबळेश्वर:-तळदेवमध्ये शिवजयंती उत्सव उत्साहात; शांततेत पण शिवगर्जनेसह जल्लोष!
पत्रकार उत्तम भालेराव महाबळेश्वर तालुका अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
महाबळेश्वर-प्रतिनिधी उत्तम भालेराव
महाबळेश्वर:-तळदेवमध्ये शिवजयंती उत्सव उत्साहात; शांततेत पण शिवगर्जनेसह जल्लोष!
महाबळेश्वर तालुक्यातील तळदेव येथे शिवजन्मोत्सव मंडळ तळदेव व ग्रामस्थांच्या वतीने छत्रपती छत्रपती शिवाजी महाराज यांच्या जयंतीनिमित्त भव्य कार्यक्रमाचे आयोजन करण्यात आले. तळदेव येथील तळेश्वर मंदिर परिसरात हा सोहळा अत्यंत शांततेच्या आणि शिस्तबद्ध वातावरणात पार पडला.
कार्यक्रमास गावातील तरुण वर्ग, महिला वर्ग तसेच ज्येष्ठ नागरिकांनी मोठ्या संख्येने उपस्थिती लावून उत्सवाला चार चाँद लावले. “जय भवानी, जय शिवाजी” च्या घोषणांनी परिसर दणाणून गेला, पण त्याचवेळी शिस्त, संयम आणि सामाजिक ऐक्य याचेही दर्शन घडले.
शिवजयंती हा केवळ उत्सव नसून स्वाभिमान, पराक्रम आणि सामाजिक एकतेचा संदेश देणारा दिवस आहे, याची जाणीव तळदेवकरांनी कृतीतून दाखवून दिली. तरुणाईच्या जोशात आणि महिलांच्या सहभागातून हा सोहळा अधिक भव्य आणि प्रेरणादायी ठरला.
तळदेवकरांनी पुन्हा एकदा सिद्ध केले — शिवरायांचा वारसा फक्त इतिहासात नाही, तर प्रत्येकाच्या मनात जिवंत आहे!
