महाबळेश्वर:-निघाला आधीच जीव टांगणीला; कार्यकर्ते कोमात, उमेदवार दुविधेत… जी. प. निवडणुकीत लोकशाहीचा श्वास घुटमळतोय!
पत्रकार उत्तम भालेराव महाबळेश्वर तालुका अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
निघाला आधीच जीव टांगणीला; कार्यकर्ते कोमात, उमेदवार दुविधेत… जी. प. निवडणुकीत लोकशाहीचा श्वास घुटमळतोय!
मतदानाची पेटी बंद झाली, पण लोकशाहीचा लढा संपलेला नाही—उलट तो अधिक तीव्र झाला आहे. जी. प. निवडणुकीनंतरची परिस्थिती पाहता सत्तेच्या माजात लोकशाहीची गळचेपी होत असल्याचे विदारक चित्र समोर येत आहे.
ज्या कार्यकर्त्यांनी उन्हात-पावसात मतदारांचे दार ठोठावले, आज तेच कार्यकर्ते मानसिक तणावाच्या कड्यावर उभे आहेत. कोणी कोमात, कोणी भयभीत, तर उमेदवार स्वतःच भविष्याच्या अंधारात चाचपडताना दिसत आहेत.
ही निवडणूक लोकशाहीचा उत्सव ठरायला हवा होती; मात्र ती सत्ताधाऱ्यांच्या अहंकाराची परीक्षा ठरत असल्याचा आरोप जनतेतून होत आहे. संविधानाने दिलेल्या अधिकारांवर कुणाचा मक्ता नाही, हे विसरून जर सत्ता चालवली जात असेल, तर ती लोकशाही नाही—ती थेट दडपशाही ठरते.
मतदार राजा आहे, हे फक्त घोषणांपुरते उरू नये. मतदानानंतरही मतदाराचा आवाज सुरक्षित नसेल, कार्यकर्त्यांचा जीव टांगणीला लागलेला असेल, तर तो लोकशाहीवरचा थेट हल्ला आहे.
प्रशासन, निवडणूक यंत्रणा आणि सत्ताधाऱ्यांनी याची गंभीर दखल न घेतल्यास इतिहास माफ करणार नाही.
आज प्रश्न एका निवडणुकीचा नाही, प्रश्न आहे संविधान वाचवण्याचा.
कारण लोकशाही गप्प बसली, तर उद्या सत्ता बेफाम होणार—आणि त्याची किंमत संपूर्ण समाजाला मोजावी लागणार .
