SATARA:-सातारा जिल्हा अधीक्षक कृषी अधिकारीपदी भाग्यश्री पवार-फरांदे

मुख्य संपादक प्रल्हाद चव्हाण:-8208717483

प्रतिनिधी अजित जगताप सातारा

सातारा जिल्हा अधीक्षक कृषी
अधिकारीपदी भाग्यश्री पवार-फरांदे.

सातारा ः येथील जिल्हा अधीक्षक कृषी अधिकारीपदी भाग्यश्री पवार-फरांदे यांची नियुक्ती झाली असून गुरूवारी त्यांनी पदभार स्विकारला. अधीक्षक कृषी अधिकारी विजयकुमार राऊत यांची बदली सिंधुदुर्ग येथे झाली. श्रीमती पवार-फरांदे यांचे मुळगाव सातारा जिल्ह्यातील आरफळ असून सासर आनेवाडी आहे.त्यांचे शिक्षण एम.एस्सी अॅग्री. असून 2009 मध्ये स्पर्धा परिक्षेतून वर्ग एक साठी त्यांची निवड झाली. अलिबाग येथे त्यांनी कर्जत, महाड परिसरातील पाणलोटाची कामे मार्गी लावली. त्यानंतर कोल्हापूर येथे आत्मा प्रकल्प उपसंचालक म्हणून कार्यभार संभाळला. नविन्यपूर्ण उपक्रम राबविले. शेतक-यांचे गट स्थापन करून 14 शेतकरी उत्पादक कंपन्यांची स्थापना, शासकीय योजना तळागाळापर्यत पोहचविणे, दुर्गम भागातील लोकांसाठी खादी कमिशनकडून दीड कोटीचा मधप्रकल्प मंजूर करून आणून तो यशस्वीपणे सुरू करणे, कोल्हापूर येथे कृषी उपसंचालक म्हणुनही त्यांनी काम केले. येथे त्यांनी ऊस उत्पादकता वाढ, ऊस नर्सरी विस्तार, परवाने प्रक्रिया तसेच आदर्श ग्राम ससंद मधील तीन गावाचे काम पाहिले तसेच प्रक्रीया उद्योग उभारणीला चालना दिली. गडहिग्लंज येथे उपविभागीय कृषी अधिकारी पदी त्यांनी डोंगरी भागात कृषी उत्पन्न वाढीसाठी काम केले. त्यानंतर पुणे स्मार्ट प्रकल्पात नोडल अधिकारी म्हणून कार्यभार संभाळला. आता त्या साताऱ्यात रूजू झाल्या आहेत.कृषी उत्पादकता वाढ तसेच शेतकरी कुटुंबातील सुशिक्षित बेरोजगार युवकांना शेतमाल प्रक्रिया व्यवसायात आणण्यासाठी प्रयत्न करणार असल्याचे श्रीमती फरांदे यांनी सांगितले.