पिंपरी- चिंचवड:-वर्ल्ड किकबॉक्सिंगसाठी अमीन व कियांश यांची निवड.

मुख्य संपादक प्रल्हाद चव्हाण :-8208717483.

वर्ल्ड किकबॉक्सिंगसाठी अमीन व कियांश यांची निवड.

पिंपरी, दि. 25 (शफिक शेख) – पिंपरी-चिंचवड शहराचे नाव उंचावत अमीन शेख व कियांश डाकलीया या दोन विद्यार्थ्यांनी इटली येथे होणा-या वर्ल्ड किकबॉक्सिंग चॅम्पियनशिपसाठी भारतीय संघात निवड झाली आहे.
1 ते 9 ऑक्टोबरदरम्यान होणा-या इटली येथील वाको चिल्ड्रन कॅडेट आणि ज्युनिअर किक बॉक्सिंग वर्ल्ड चॅम्पियनशिप 2022 या अंातरराष्ट्रीय स्पर्धेत अमिन शेख 36 किलो वजनगटात तर कियांश डाकलिया 32 किलो वजनगटात भारताचे प्रतिनिधित्व करणार आहेत.
जगभरातून सामील होणा-या या स्पर्धेमध्ये हे दोन्ही खेळाडू सर्वात लहान खेळाडू आहेत, अशी माहिती भारतीय संघाचे कोच व भारतीय किक बॉक्सिंग स्पोर्टस् असोसिएशनचे अध्यक्ष श्री. निलेश शेलार यांनी दिली.
यापैकी अमीन शेख याने जुलै 2022 मध्ये कोलकाता येथे झालेल्या नॅशनल किक बॉक्सिंग चॅम्पियनशिपमध्ये सुवर्ण पदक जिंकले होते. एव्हढया लहान वयात मिळविलेल्या या अगाध यशाबद्दल संपूर्ण पिंपरी-चिंचवड वासियांकडून या दोघांवर कौतुकाचा वर्षाव होत आहे.