कराड:-खंडोबा देवाच्या चरणी अभिषेक; मोदी व रविंद्र चव्हाण यांच्या दीर्घायुष्यासाठी प्रार्थना.
पत्रकार विनोद पाटील सातारा जिल्हा अध्यक्ष
राष्ट्रीय अध्यक्ष संपादक प्रल्हाद चव्हाण -8208717483
कराड:-खंडोबा देवाच्या चरणी अभिषेक; मोदी व रविंद्र चव्हाण यांच्या दीर्घायुष्यासाठी प्रार्थना.
कराड :- देशाचे पंतप्रधान नरेंद्र मोदी तसेच भारतीय जनता पक्षाचे महाराष्ट्र प्रदेशाध्यक्ष रविंद्र चव्हाण यांच्या वाढदिवसानिमित्त पाली, ता. कराड येथे विविध धार्मिक उपक्रमांचे आयोजन करण्यात आले. यानिमित्त श्री खंडोबा देवाच्या चरणी विधिवत अभिषेक करून दोन्ही नेत्यांना उत्तम आरोग्य, दीर्घायुष्य आणि निरंतर कार्यशक्ती लाभावी, यासाठी मनोभावे प्रार्थना करण्यात आली.
भाजपा किसान मोर्चा सोशल मीडिया प्रमुख रवींद्र लाहोटी, किसान मोर्चा प्रदेश कार्यकारिणी सदस्य शंकर काका शेजवळ तसेच भाजपा पदाधिकारी व कार्यकर्त्यांच्या वतीने श्री खंडोबा देवाची विधिवत पूजा-अर्चा करण्यात आली. अभिषेकानंतर उपस्थितांनी श्री खंडोबा देवाचे दर्शन घेतले.
यावेळी नरेंद्र मोदी यांच्या नेतृत्वाखाली देशाच्या विकासाची प्रक्रिया अधिक गतिमान व्हावी तसेच देशहित, राष्ट्रसेवा आणि जनसेवेचे कार्य अधिक प्रभावीपणे पुढे जावे, अशी प्रार्थना करण्यात आली. त्याचबरोबर महाराष्ट्र प्रदेशाध्यक्ष रविंद्र चव्हाण यांना उत्तम आरोग्य व दीर्घायुष्य लाभावे आणि महाराष्ट्राच्या विकासासाठी व जनतेच्या सेवेसाठी त्यांच्या हातून सातत्याने कार्य घडत राहावे, अशी भावना उपस्थितांनी व्यक्त केली.
भारतीय जनता पक्षाच्या माध्यमातून समाजातील विविध घटकांपर्यंत शासनाच्या योजना व विकासकामे पोहोचविण्यासाठी कार्यकर्त्यांनी सक्रियपणे काम करावे, तसेच राष्ट्रहिताला प्राधान्य देत समाजसेवेचा संकल्प अधिक दृढ करावा, असे आवाहन यावेळी करण्यात आले.
धार्मिक श्रद्धा आणि राष्ट्रसेवेची भावना यांचा संगम साधत आयोजित करण्यात आलेल्या या अभिषेक सोहळ्यामुळे परिसरात भक्तिमय वातावरण निर्माण झाले होते. उपस्थित कार्यकर्त्यांनी श्री खंडोबा देवाच्या चरणी नतमस्तक होत देशाच्या प्रगतीसह महाराष्ट्राच्या सर्वांगीण विकासासाठी प्रार्थना केली.
कार्यक्रमाची सांगता श्री खंडोबा देवाच्या जयघोषाने करण्यात आली.
येळकोट येळकोट जय मल्हार!
जय श्री खंडोबा!
जय हिंद! जय महाराष्ट्र!
