सोलापूर:-बळीराजाच्या डोळ्यातील अश्रू पुसणारा ‘लाडका भाऊ’: रोहित पवारांची दिवाळी शेतकऱ्यांच्या बांधावर; ‘WOW’ संघटनेच्या बहिणींनी दिला मायेचा फराळ.
पत्रकार संगीता फाळके पुणे शहर महिला अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
सोलापूर:-बळीराजाच्या डोळ्यातील अश्रू पुसणारा ‘लाडका भाऊ’: रोहित पवारांची दिवाळी शेतकऱ्यांच्या बांधावर; ‘WOW’ संघटनेच्या बहिणींनी दिला मायेचा फराळ.
दिवाळी म्हणजे घराघरांत दिव्यांची रोषणाई, आनंदाचे वातावरण आणि फराळाचा आस्वाद. संपूर्ण राज्य जेव्हा सण-उत्सवाच्या जल्लोषात मग्न असते, तेव्हा दुष्काळाच्या तीव्र झळा सोसणारा बळीराजा मात्र आकाशाकडे डोळे लावून मदतीची वाट पाहत उभा आहे. भयंकर दुष्काळी परिस्थितीमुळे अक्कलकोट परिसरातील शेतकरी संकटात सापडला असताना, सरकारकडून अद्याप कोणतीही ठोस मदत पोहोचलेली नाही; एवढेच नव्हे तर सत्ताधाऱ्यांचा साधा एकही प्रतिनिधी शेतकऱ्यांचे अश्रू पुसण्यासाठी पुढे आलेला नाही. अशा अत्यंत बिकट काळात, राष्ट्रवादी काँग्रेसचे ज्येष्ठ नेते मा. शरदचंद्र पवार साहेबांची प्रकृती अस्वस्थ असताना, त्यांचे सक्षम प्रतिनिधी म्हणून आमदार रोहित पवार यांनी स्वतःच्या घराची दिवाळी बाजूला ठेवून थेट दुष्काळग्रस्त शेतकऱ्यांच्या बांधावर धाव घेतली.
घरात दिवाळीचा पहिलाच मोठा सण असताना, फराळाचा एक घासही तोंडात न घेता रोहित पवार अक्कलकोट तालुक्यातील दुष्काळग्रस्त बळीराजाच्या दुःखात सहभागी होण्यासाठी थेट त्यांच्या बांधावर पोहोचले. शेतकऱ्यांच्या पाठीवर धीराचा हात ठेवणारे हे जननेत्याचे रूप पाहून समाजातील संवेदनशील घटकांचे डोळे पाणावले.रोहितदादांची ही तळमळ आणि शेतकरी बांधवांप्रती असलेली अपार निष्ठा पाहून ‘WOW’ (वॉव) संघटनेच्या भगिनींनी एकत्र येत एक भावनिक उपक्रम राबवला. आपला लाडका भाऊ उपाशीपोटी शेतकऱ्यांच्या सेवेत धावतो आहे हे पाहून या भगिनींनी स्वतःच्या हाताने मायेचा फराळ तयार केला. अक्कलकोट दौऱ्यादरम्यान त्यांनी रोहितदादांना हा फराळाचा डबा सुपूर्द करत एका बहिणीच्या नात्याने त्यांचे औक्षण केले.
याप्रसंगी ‘WOW’ संघटनेच्या संस्थापक विद्या लोलगे यांनी भावना व्यक्त करताना सांगितले की, “सत्ता आणि सत्तेची झगमगाट बाजूला ठेवून संकटात सापडलेल्या बळीराजाची सेवा करणारा हा आमचा खरा लाडका भाऊ आहे. या भावाच्या हातून भविष्यातही गोरगरीब शेतकरी, कष्टकरी आणि विद्यार्थ्यांची अशीच अविरत व प्रामाणिक सेवा घडत राहो,” अशी प्रार्थना या वेळी सर्व भगिनींनी ईश्वराच्या चरणी केली.
रोहित पवारांचा हा दौरा केवळ एक राजकीय भेट नसून, उपेक्षित आणि हवालदिल झालेल्या बळीराजाला ‘मी तुमच्या पाठीशी ठाम उभा आहे’ असा विश्वास देणारा ठरला आहे. स्वतःच्या कुटुंबाचा सण विसरून जनतेच्या संकटात धावून जाणाऱ्या या लोकप्रतिनिधीच्या संवेदनशीलतेचे सर्व स्तरातून मोठे कौतुक होत आहे. या वेळी विद्या लोलगे, मार्था आसादे इ..उपस्थित होत्या .
