पुणे ५८ – गुलमोहर कॉलनीत एकजुटीचा नवा आदर्श; रस्ता रुंदीकरण व आकर्षक नामफलकाचे दिमाखात उद्घाटन.
पत्रकार विजय देवकुळे पुणे जिल्हा उपाध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
पुणे ५८ – गुलमोहर कॉलनीत एकजुटीचा नवा आदर्श; रस्ता रुंदीकरण व आकर्षक नामफलकाचे दिमाखात उद्घाटन.
पुणे | वारजे माळवाडी | गोकुळ नगर पठार, गुलमोहर कॉलनी, सर्वे नं. ५८/१, पुणे – ५८
पुणे शहरातील वारजे माळवाडी परिसरातील गोकुळ नगर पठार, गुलमोहर कॉलनी, सर्वे नं. ५८/१, पुणे – ५८ येथे गेल्या अनेक दिवसांपासून प्रलंबित असलेले रस्ता रुंदीकरणाचे काम आणि कॉलनीच्या प्रवेशद्वारावरील जुने फलक काढून नवीन, आकर्षक नामफलक बसविण्याचा उपक्रम नुकताच मोठ्या उत्साहात आणि जल्लोषपूर्ण वातावरणात पार पडला.
या एका उपक्रमामुळे केवळ रस्ता रुंद झाला नाही तर पुण्यातील गुलमोहर कॉलनीच्या सौंदर्यात, सुरक्षिततेत आणि शिस्तीत मोठी भर पडली आहे. येणाऱ्या पाहुण्यांना, नवीन नागरिकांना कॉलनी शोधणे आता अधिक सोपे झाले असून संपूर्ण परिसराला एक नवी ओळख मिळाली आहे.
चंद्रकांत नेमाने साहेब यांच्या पुढाकारातून घडली एकजूट.
या संपूर्ण विकासकामाचे खरे शिल्पकार ठरले आहेत ते मा. श्री. चंद्रकांत नेमाने साहेब. त्यांनी गेल्या काही दिवसांपासून या कामासाठी सातत्याने पाठपुरावा केला. कॉलनीतील प्रत्येक घरात जाऊन, प्रत्येक सभासदाला विश्वासात घेऊन, सर्वांचे मतभेद, गैरसमज बाजूला ठेवून त्यांनी संपूर्ण गुलमोहर कॉलनी, पुणे ५८ ची अभूतपूर्व एकजूट घडवून आणली. त्यांच्या या दूरदृष्टी आणि नेतृत्वामुळेच आज हे काम एकमताने आणि कोणताही वाद न होता यशस्वी झाले आहे. त्यांच्या या कार्याचे सर्व स्तरातून कौतुक होत आहे.
सर्व सभासदांचा उत्स्फूर्त सहभाग.
या ऐतिहासिक क्षणाचे साक्षीदार होण्यासाठी आणि आपल्या कॉलनीच्या विकासात हातभार लावण्यासाठी चंद्रकांत नेमाने, राहुल सुरवसे, महादेव रामतीर्थे, महेश चुंगे, गोविंद कोठमाळे, लक्ष्मण सुरवसे, आप्पासाहेब चव्हाण, भूषण देशमुख,दत्ता गांधले, रमेश गांधले, अक्षय होनापुरे, देवानंद सुळकर, अमोल देवकुळे, दत्ता होणे, देविदास, गणेश, के. टी. एंटरप्रायझेसचे कसबे साहेब, दिगंबर रसावे, संदीप पुनवत, सुनील भुवड, ओम प्रिसिजन प्रेस पार्ट, अक्षय नाचरे, अमित भुवड, संतोष भुवड, करण भुवड, महेश मोरे, पार्थ ग्राफिक्स, प्रसाद भुवड, प्रताप पोळके, प्रेम राठोड, राज एंटरप्रायझेस, रविंद्र, रुपेश परब, संजय निर्मल, संतोष जाटकर, शंकर पाटील, श्रीकांत हारेर, विलास शिगवण आणि विनोद भुवड यांच्यासह गुलमोहर कॉलनी, सर्वे नं. ५८/१, पुणे ५८ येथील सर्व सभासद, महिला, जेष्ठ नागरिक व मित्रमंडळी मोठ्या संख्येने उपस्थित होते.
यावेळी उपस्थितांनी “आपली कॉलनी, आपली जबाबदारी आणि आपला विकास” हा मंत्र जपत भविष्यातही अशीच एकजूट कायम ठेवून स्वच्छता, सुरक्षा आणि इतर विकासकामे एकत्रितपणे करण्याचा एकमुखी निर्धार व्यक्त केला.
पुण्यातील इतर कॉलनींसमोर आदर्श
पुणे ५८ मधील गुलमोहर कॉलनीने दाखवलेली ही एकजूट आज पुण्यातील इतर कॉलनींसमोर एक आदर्श निर्माण करणारी ठरली आहे. केवळ एका व्यक्तीच्या पुढाकाराला सर्वांनी साथ दिली तर किती मोठे परिवर्तन घडू शकते, याचे हे उत्तम उदाहरण आहे.
कार्यक्रमाच्या शेवटी सर्वांचे आभार मानण्यात आले आणि चहापानाने कार्यक्रमाची सांगता झाली.
एकजूट कायम ठेवूया… गुलमोहर कॉलनी, पुणे ५८ ची शान आणखी वाढवूया!
