मायणी:-चितळी येथे सोनिया ताई गोरे यांच्या माणुसकीचे दर्शन; अपघातग्रस्त महिलेला तात्काळ उपचारासाठी पोहोचविले.
ज्येष्ठ पत्रकार प्रा.दिलीप पुस्तके सातारा
राष्ट्रीय अध्यक्ष संपादक प्रल्हाद चव्हाण – 8208717483
मायणी:-चितळी येथे सोनिया ताई गोरे यांच्या माणुसकीचे दर्शन; अपघातग्रस्त महिलेला तात्काळ उपचारासाठी पोहोचविले.
चितळी (प्रतिनिधी) : महाराष्ट्र राज्याचे ग्रामविकास व पंचायतराज मंत्री माननीय श्री. जयकुमार गोरे यांच्या सुविद्य पत्नी सौ. सोनिया ताई गोरे चितळी येथे स्मशानभूमी नूतनीकरणाच्या उद्घाटनासाठी आल्या होत्या. उद्घाटनाचा कार्यक्रम आटोपल्यानंतर पवार फार्मकडे जात असताना येरळा नदी पुलावर एका दुचाकीचा अपघात झाल्याचे त्यांच्या निदर्शनास आले.
अपघाताची परिस्थिती पाहताच सोनिया ताई गोरे यांनी क्षणाचाही विलंब न करता आपला ताफा थांबविला. अपघातग्रस्त महिलेला तात्काळ मदतीचा हात देत ताफ्यातील वाहनातून उपचारासाठी रुग्णालयात पोहोचविण्याची व्यवस्था करण्यात आली. या प्रसंगातून सोनिया ताई गोरे यांची सर्वसामान्य जनतेशी असलेली आपुलकी, संवेदनशीलता आणि माणुसकीची नाळ पुन्हा एकदा प्रकर्षाने दिसून आली.
अपघातग्रस्त महिलेसाठी तातडीची मदत
रस्त्यावर अपघात झाल्यानंतर अनेकदा मदतीसाठी विलंब होतो. मात्र, सोनिया ताई गोरे यांनी स्वतः पुढाकार घेत तातडीने मदत उपलब्ध करून दिल्याने अपघातग्रस्त महिलेला उपचारासाठी वेळेत रुग्णालयात पोहोचविण्यात आले. त्यांच्या या तत्परतेचे उपस्थित नागरिक व ग्रामस्थांकडून कौतुक करण्यात आले.
रस्त्याच्या दुरुस्तीबाबतही तात्काळ सूचना
याचवेळी अपघाताच्या पार्श्वभूमीवर रस्त्याच्या परिस्थितीची दखल घेत सोनिया ताई गोरे यांनी संबंधित रोड कॉन्ट्रॅक्टरशी फोनवरून संपर्क साधला. रस्त्यावरील परिस्थिती व अपघाताची माहिती देत रस्त्याच्या दुरुस्तीचे काम तात्काळ करण्याच्या सूचना त्यांनी दिल्या.
त्यामुळे केवळ अपघातग्रस्त महिलेला मदत करण्यापुरतेच न थांबता, भविष्यात अशा घटना टाळण्यासाठी रस्त्याच्या दुरुस्तीचीही तातडीने दखल घेण्यात आली.
उपस्थित मान्यवर
यावेळी माजी आमदार डॉ. दिलीप येळगावकर, जिल्हा परिषद सदस्य अॅड. सुरज पाटील, पंचायत समिती प्रतिनिधी डॉ. संभाजी कोळी, यशोवर्धन पवार यांच्यासह प्रमुख कार्यकर्ते, पदाधिकारी आणि चितळी ग्रामस्थ मोठ्या संख्येने उपस्थित होते.
