वाई:-यशाची ‘दिशा’ अढळ! सलग आठव्या वर्षी स्पर्धा परीक्षांवर दिशा अकॅडमीची मोहोर.
पत्रकार सारिका गवते वाई तालुका महिला अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
वाई:-यशाची ‘दिशा’ अढळ! सलग आठव्या वर्षी स्पर्धा परीक्षांवर दिशा अकॅडमीची मोहोर.
सातारा | वाई, दि. ३० : स्पर्धात्मक परीक्षांमध्ये सातत्यपूर्ण गुणवत्तेचा नवा मापदंड निर्माण करणाऱ्या दिशा अकॅडमीने यंदाही राष्ट्रीय व राज्यस्तरीय परीक्षांमध्ये घवघवीत यशाची परंपरा कायम राखत सलग आठव्या वर्षी यशाचा झेंडा फडकावला आहे. JEE Main व Advanced २०२६ मध्ये तब्बल ३९ विद्यार्थी पात्र ठरले असून, त्यापैकी ६ विद्यार्थ्यांनी प्रतिष्ठेच्या IIT मध्ये प्रवेश मिळवला आहे. NEET, MHT-CET, राज्य शिष्यवृत्ती आणि फाउंडेशन ऑलिंपियाडमध्येही दिशा अकॅडमीच्या विद्यार्थ्यांनी उल्लेखनीय कामगिरी करत गुणवत्तेचा ठसा उमटवला. या ऐतिहासिक यशाचा उत्सव बुधवारी वाई शहरातून भव्य विजय रॅली काढून जल्लोषात साजरा करण्यात आला.
JEE परीक्षेत नेहा पाटील हिने IIT पटणा प्रवेशासाठी ९९.५० टक्के, स्वरली कोहळे हिने IIT भिलाईसाठी ९८.४० टक्के, तर श्रीधर गुरव याने IIT जोधपूरसाठी ९८ टक्के गुण मिळवत उल्लेखनीय यश मिळवले. तसेच तनया पिसाळ (MIT रायपूर), प्रघाली गोरे (IIIT पुणे), राज वाडगे (IIIT नागपूर) आणि सई फडतरे (IIT SAA विजयवाडा) यांनीही उत्कृष्ट कामगिरी करत दिशा अकॅडमीच्या यशात भर घातली.
NEET २०२६ मध्ये वेदांतिका पवार (५४५ गुण), देविना तासकांडे (५०८), श्रेयशी मोर्या (५०७), विश्वजीत पाटील (४७६), यश पवार (४६२) आणि सुष्मिता देवनाथ (४५४) यांनी उल्लेखनीय यश मिळवत वैद्यकीय शिक्षणाच्या दिशेने भक्कम पाऊल टाकले.
MHT-CET २०२६ मध्येही दिशा अकॅडमीच्या विद्यार्थ्यांनी गुणवत्तेची उज्ज्वल परंपरा कायम ठेवली. श्रावणी जाधव (९९.८९%), नेहा पाटील (९९.७८%), तनया पिसाळ (९९.७०%), वृषाली गोरे (९९.४८%), स्वरली कोहळे (९९.४३%), मानसी भागवत (९९.३९%) आणि समृद्धी मोटे (९९%) यांनी ९९ टक्क्यांहून अधिक गुण मिळवत महाराष्ट्रातील नामांकित अभियांत्रिकी महाविद्यालयांसाठी पात्रता मिळवली.
राज्य शिष्यवृत्ती परीक्षा २०२६ मध्येही दिशा अकॅडमीच्या विद्यार्थ्यांनी दिमाखदार कामगिरी नोंदवली. राज्य गुणवत्ता यादीतील पहिल्या १५ विद्यार्थ्यांमध्ये दिशा अकॅडमीचे तब्बल सहा विद्यार्थी स्थान मिळवण्यात यशस्वी ठरले. आदिती (२८२ गुण, राज्यात ४थी), वैष्णवी जाधव (२७६ गुण, राज्यात ११वी), अमृता (२७६ गुण, राज्यात १२वी), अथर्व जांभळे (२७४ गुण, राज्यात १३वा) आणि सोहम बोराटे (२७२ गुण, राज्यात १५वा) यांनी उल्लेखनीय यश संपादन केले.
फाउंडेशन ऑलिंपियाडमध्ये साईराज मोने, सोहाना मुल्ला, गार्गी कुटे, यश पवार, अभिनव होलप आणि वेदांत होळके यांनी राष्ट्रीय स्तरावर उल्लेखनीय यश मिळवत शालेय जीवनापासूनच स्पर्धात्मक परीक्षांसाठीची आपली तयारी आणि गुणवत्ता सिद्ध केली.
या अभूतपूर्व यशाबद्दल दिशा अकॅडमीचे संस्थापक प्रा. डॉ. नितीन कदम आणि सचिव प्रा. रुपाली कदम यांनी सर्व विद्यार्थ्यांचे, पालकांचे आणि शिक्षकांचे अभिनंदन केले. विद्यार्थ्यांची जिद्द, सातत्यपूर्ण अभ्यास, पालकांचे भक्कम सहकार्य आणि शिक्षकांचे नियोजनबद्ध मार्गदर्शन यामुळेच दिशा अकॅडमीला सलग आठ वर्षे हे यश मिळवणे शक्य झाल्याचे त्यांनी सांगितले.
या यशानिमित्त वाई शहरातून काढण्यात आलेल्या भव्य विजय रॅलीत विद्यार्थी, पालक, शिक्षक, माजी विद्यार्थी आणि नागरिक मोठ्या संख्येने सहभागी झाले होते. घोषणाबाजी, टाळ्यांचा कडकडाट आणि जल्लोषाच्या वातावरणात गुणवंत विद्यार्थ्यांचा सन्मान करण्यात आला. संपूर्ण शहराने दिशा अकॅडमीच्या विद्यार्थ्यांच्या यशाचे उत्स्फूर्त स्वागत केले.
यावेळी प्रा. डॉ. नितीन कदम म्हणाले, “ग्रामीण भागातील विद्यार्थ्यांमध्ये प्रचंड क्षमता आहे. योग्य दिशा, दर्जेदार मार्गदर्शन आणि सातत्यपूर्ण मेहनतीच्या बळावर ते राष्ट्रीय स्तरावरही यश मिळवू शकतात. दिशा अकॅडमी भविष्यातही ग्रामीण भागातील विद्यार्थ्यांना सर्वोत्तम शिक्षण आणि स्पर्धात्मक परीक्षांसाठी सक्षम मार्गदर्शन देण्याचे कार्य अधिक जोमाने सुरू ठेवेल.”
चौकट : दिशा अकॅडमीच्या यशाची ठळक वैशिष्ट्ये
• JEE Main व Advanced २०२६ मध्ये ३९ विद्यार्थी पात्र, ६ विद्यार्थ्यांची IIT मध्ये निवड.
• NEET २०२६ मध्ये ६ विद्यार्थ्यांची उल्लेखनीय कामगिरी.
• MHT-CET मध्ये ९९ टक्क्यांहून अधिक गुण मिळवणारे अनेक विद्यार्थी.
• राज्य शिष्यवृत्तीच्या पहिल्या १५ गुणवंतांमध्ये दिशा अकॅडमीचे ६ विद्यार्थी.
• फाउंडेशन ऑलिंपियाडमध्ये राष्ट्रीय स्तरावर चमकदार यश.
• सलग आठव्या वर्षी राष्ट्रीय व राज्यस्तरीय परीक्षांमध्ये गुणवत्तेची विजयी परंपरा कायम.
• वाई शहरात भव्य विजय रॅली काढून गुणवंत विद्यार्थ्यांचा जल्लोषात सन्मान.
• ग्रामीण विद्यार्थ्यांना दर्जेदर शिक्षण व स्पर्धात्मक परीक्षांसाठी सक्षम मार्गदर्शन देण्याचा निर्धार – प्रा. डॉ. नितीन कदम.
