आष्टी:-सोनम वांगचुक, आभिजीत दीपके यांच्या समर्थनार्थ कड्यात शांततापूर्ण निषेध रॅली.
पत्रकार अमजद शेख बीड जिल्हा अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
आष्टी:-सोनम वांगचुक, आभिजीत दीपके यांच्या समर्थनार्थ कड्यात शांततापूर्ण निषेध रॅली.
कडा शहरात संविधानप्रेमी नागरिकांचा उत्स्फूर्त सहभाग; लोकशाही आणि शांततामय आंदोलनाच्या समर्थनार्थ एकजुटीचे दर्शन
कडा | प्रतिनिधी :
सोनम वांगचुक आणि आभिजीत दीपके यांच्या जनहिताच्या लढ्याला समर्थन देण्यासाठी कडा शहरात शांततापूर्ण निषेध रॅलीचे आयोजन करण्यात आले. “शांततापूर्ण आंदोलन हा लोकशाहीचा आत्मा आहे” या संदेशासह काढण्यात आलेल्या या रॅलीमध्ये संविधानप्रेमी नागरिकांनी मोठ्या संख्येने सहभागी होत आपला पाठिंबा व्यक्त केला.
या रॅलीमध्ये सहभागी नागरिकांनी हातात तिरंगा ध्वज आणि विविध संदेश असलेले बॅनर घेत लोकशाही, संविधानिक मूल्ये आणि शांततामय आंदोलनाच्या समर्थनार्थ आपला आवाज बुलंद केला. सोनम वांगचुक आणि आभिजीत दीपके यांच्या जनहिताच्या लढ्याला आपला पाठिंबा असल्याचा संदेश यावेळी देण्यात आला.
रॅलीमध्ये दीपक भैय्या गरुड, संदीप जाधव, रहमान सय्यद, परमेश्वर घोडके, आमजेद शेख, कांतीलाल गिरे, आमोल घोडके, बबलू आखाडे, अशोक माने, राम बोडखे सर, ठकाराम दुधावडे, धुळाजी लकडे, सचिन घाटविसावे, सोपनिल साळवे, सुनील घोडके आणि पत्रकार संजय खंडागळे यांच्यासह अनेक संविधानप्रेमी नागरिक सहभागी झाले होते.
शांततेच्या आणि लोकशाहीच्या मार्गाने काढण्यात आलेली ही निषेध रॅली शिस्तबद्ध पद्धतीने पार पडली. रॅलीदरम्यान कोणताही अनुचित प्रकार न घडता कार्यक्रम शांततेत संपन्न झाला.
कडा शहरातील या निषेध रॅलीला सहकार्य करणाऱ्या सर्व संविधानप्रेमी नागरिकांचे आयोजकांच्या वतीने मनःपूर्वक आभार मानण्यात आले. नागरिकांच्या एकजुटीमुळे आणि सहकार्यामुळे हा कार्यक्रम यशस्वीपणे पार पडला.
लोकशाही, संविधान आणि शांततामय आंदोलनाच्या मूल्यांना बळ देणारा संदेश देत कडा शहरातील ही निषेध रॅली चर्चेचा विषय ठरली.
RPS STAR NEWS – पत्रकार अमजद शेख
