श्रीरामपूर:-संगमनेरची ‘क्रिकेट क्वीन’ अदिती राऊत झळकली राज्य पातळीवर; महाराष्ट्र अंडर-१७ संघात दमदार निवड.
पत्रकार संजय पगारे श्रीरामपूर तालुका अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
संगमनेरची ‘क्रिकेट क्वीन’ अदिती राऊत झळकली राज्य पातळीवर; महाराष्ट्र अंडर-१७ संघात दमदार निवड.
तालुका प्रतिनिधी संजय पगारे
श्रीरामपूर / माळेवाडी (RPs स्टार न्यूज प्रतिनिधी):
संगमनेरच्या क्रीडाक्षेत्राला अभिमानास्पद ठरणारी बातमी समोर आली असून, कु. अदिती सागर राऊत हिची महाराष्ट्र क्रिकेट संघाच्या अंडर-१७ मुलींच्या संघात निवड झाली आहे. तिच्या या उल्लेखनीय यशामुळे संगमनेर परिसरात आनंदाचे वातावरण निर्माण झाले आहे.
दिल्ली नाका परिसरात राहणारे सुतारकाम करणारे श्री सागर अशोक राऊत यांची कन्या अदिती हिला लहानपणापासूनच क्रिकेटची विशेष आवड होती. तिच्या या आवडीला योग्य दिशा देण्यासाठी तिने श्री रविशंकर विद्या मंदिर, संगमनेर येथे शिक्षण घेत असताना क्रिकेटचे प्रशिक्षण घेतले.
अदितीने आपल्या मेहनती, चिकाटी आणि सातत्यपूर्ण सरावाच्या जोरावर क्रिकेटमध्ये आपली वेगळी ओळख निर्माण केली. संधी मिळेल त्या प्रत्येक सामन्यात तिने अष्टपैलू खेळाचे प्रदर्शन करत संघाला विजय मिळवून देण्यात मोलाची भूमिका बजावली. जिल्हा आणि विभागीय पातळीवर तिने उत्कृष्ट कामगिरी करत फलंदाजी आणि गोलंदाजी दोन्ही क्षेत्रांत आपली छाप पाडली.
तिच्या या सातत्यपूर्ण यशामुळेच अंडर-१३, १४ आणि १५ गटात तिची शालेय स्तरावर निवड झाली होती. प्रत्येक स्तरावर उत्तम कामगिरी केल्यानंतर महाराष्ट्र क्रिकेट असोसिएशनने (MCA) तिच्या प्रतिभेची दखल घेत तिला अंडर-१७ संघात संधी दिली आहे.
या यशामागे तिचे प्रशिक्षक आणि पालक यांचा मोठा वाटा असून, त्यांच्या मार्गदर्शनामुळेच अदितीने हे यश संपादन केले आहे. अदितीने यापुढेही असेच उत्कृष्ट प्रदर्शन करत संगमनेर आणि देशाचे नाव उज्ज्वल करावे, अशा शुभेच्छा सर्व स्तरातून व्यक्त केल्या जात आहेत.
तिच्या या निवडीबद्दल विश्वकर्मा पतसंस्था तसेच विश्वकर्मा समाज बांधव संगमनेर व श्रीरामपूर यांच्या वतीने राऊत कुटुंबियांचे आणि अदितीचे मनःपूर्वक अभिनंदन करण्यात येत असून, तिच्या उज्ज्वल भविष्यासाठी शुभेच्छांचा वर्षाव होत आहे.
