पुणे:-शिवशंभू संघटना महाराष्ट्र राज्य आयोजित किल्ले तोरणा हिंदवी स्वराज्याचे तोरण उत्सव सोहळा उत्साहात साजरा.
पत्रकार वैष्णवी शिंदे पुणे जिल्हा महिला संघटक
राष्ट्रीय अध्यक्ष संपादक प्रल्हाद चव्हाण – 8208717483
पुणे दि.12
शिवशंभू संघटना महाराष्ट्र राज्य आयोजित किल्ले तोरणा हिंदवी स्वराज्याचे तोरण उत्सव सोहळा उत्साहात साजरा.
किल्ले तोरणा: हिंदवी स्वराज्याचे तोरण उत्सव – एक ऐतिहासिक आणि प्रेरणादायी परंपरा.
गड-किल्ल्यांच्या भूमीत इतिहास बलिदान देणाऱ्याचा इतिहास कधीही विसरता येत नाही. महाराष्ट्राच्या किल्ल्यांमध्ये किल्ले तोरणा हा एक असे ठिकाण आहे जिथे प्रत्येक दगडात वीरश्रींची आणि हिंदवी स्वराज्याच्या गौरवशाली इतिहासाची झळकण आहे. गेल्या चार वर्षांपासून* *शिवशंभू संघटनेच्या माध्यमातून किल्ले तोरणा येथे हिंदवी स्वराज्याचे तोरण उत्सव सोहळा साजरा केला जात आहे, आणि हा उत्सव प्रत्येक वर्षी अधिक मोठ्या उत्साहाने व ऐतिहासिक श्रद्धेने साजरा होतोय.
हा सोहळा फक्त एक उत्सव नाही, तर तो आपल्या महाराष्ट्राच्या संस्कृतीशी, इतिहासाशी आणि वीर मराठा परंपरेशी जोडलेला एक धगधगत आठवणींचा पुल आहे. या उत्सवात सहभागी होणारे शिवशंभूभक्त शिवव्याख्याते आणि इतिहासप्रेमी प्रत्येकजण आपल्या कर्तृत्वाची, शौर्याची आणि देशभक्तीची अनुभूती घेतात.
शिवशंभू संघटनेने या सोहळ्यासाठी आपले आयुष्य आणि श्रम समर्पित केले आहे, कारण त्यांचा उद्देश हा उत्सव केवळ एक दिवसाचा आनंद न राहता, वर्षानुवर्ष टिकणारा ऐतिहासिक सोहळा आहे, सह्याद्रीरच्या कुशीत वसलेला किल्ला एक ऐतिहासिक व सांस्कृतिक वारसा आहे. किल्ल्याच्या महादरवाज्याला तोरण बांधणे, मशाल महोत्सव करणे जागर गोंधळ घालणे, मर्दानी खेळाची प्रात्यक्षिक सादर करणे आणि विजयोत्सव साजरा करणे या प्रत्येक घटकातून इतिहासाचे स्मरण आणि वीर मराठ्यांच्या शौर्याची साक्ष मिळते.
हा उत्सव आपल्या इतिहासाला जिवंत ठेवण्याचे कार्य करतो, तर तरुण पिढीला आपल्या सांस्कृतिक आणि ऐतिहासिक ओळखीची जाणीव करून देतो. वर्षानुवर्षे हा उत्सव मोठ्या प्रमाणात साजरा करण्याचा संघटनेचा संकल्प आहे, आणि यासाठी प्रत्येक जण समर्पित मनाने काम करत आहे.
किल्ले तोरणा येथे साजरा होणारा हिंदवी स्वराज्याचा तोरण उत्सव सोहळा म्हणजे इतिहासाचा आदर, संस्कृतीची जपणूक आणि देशभक्तीची ओळख एकत्र करणारा महापर्व आहे. या उत्सवातून आपल्याला फक्त ऐतिहासिक स्मरण नव्हे तर एक प्रेरणा देखील मिळते – आपला इतिहास जपणे आणि पुढच्या पिढीस त्याची ओळख करून देणे हीच खरी परंपरा आहे.
