मायणीत श्री धनगर विठोबा देवाचा चैत्र उत्सव उत्साहात; पालखी, गजी नृत्य आणि कुस्त्यांच्या जंगी मैदानाचे आयोजन.
ज्येष्ठ पत्रकार प्रा.दिलीप पुस्तके सातारा
राष्ट्रीय अध्यक्ष संपादक प्रल्हाद चव्हाण – 8208717483
1) मायणीत श्री धनगर विठोबा देवाचा चैत्र उत्सव उत्साहात; पालखी, गजी नृत्य आणि कुस्त्यांच्या जंगी मैदानाचे आयोजन.
सातारा प्रतिनिधी – प्रा. दिलीप पुस्तके
मायणी (ता. खटाव): श्री धनगर विठोबा देवस्थान, मायणी येथे दरवर्षीप्रमाणे यंदाही चैत्र उत्सवाचे आणि भव्य यात्रेचे आयोजन करण्यात आले आहे. कचरेवाडी आणि विठोबा चौक परिसरात होणाऱ्या या यात्रेत धार्मिक विधींसोबतच सामाजिक आणि मनोरंजनात्मक कार्यक्रमांची रेलचेल असणार आहे.
धार्मिक कार्यक्रमांची रूपरेषा
यात्रेचा मुख्य सोहळा १२ मार्च ते १६ मार्च २०२६ या कालावधीत संपन्न होणार असून, त्याचे नियोजन खालीलप्रमाणे आहे:
गुरुवार, १२ मार्च: सायंकाळी ६:०० वाजता श्री देवाच्या पालखीचे आणि शासनकाठ्यांचे ढोल-ताशांच्या गजरात व फटाक्यांच्या आतषबाजीत मंदिरात आगमन होईल.
शुक्रवार, १३ मार्च: सायंकाळी ७:०० वाजता श्री देवाचा ‘धाकटा छबिना’ निघणार असून, यावेळी ‘गजी नृत्य’ हा पारंपरिक सांस्कृतिक कार्यक्रम आकर्षणाचे केंद्र ठरेल.
मंगळवार, २४ मार्च: रात्री १०:०० वाजता श्री देवाचा ‘थोरला छबिना’ निघेल. यावेळी श्री बिरोबा देवाच्या यात्रेनिमित्त सर्व भाविक-भक्तांचे स्वागत करण्यात येईल.
मुख्य दिवसाचे विशेष आकर्षण (बुधवार, २५ मार्च)
यात्रेचा मुख्य दिवस बुधवार, २५ मार्च रोजी असून या दिवशी विविध धार्मिक विधी पार पडतील:
पहाटे ५:०० वा: श्री देवाचा महाअभिषेक.
सकाळी ९:०० वा: दहीहंडी व ‘गजी नृत्य’ कार्यक्रम.
दुपारी १२ ते ३: भाविकांसाठी ‘महाप्रसाद’ (भंडारा) आयोजित करण्यात आला आहे.
सायंकाळी ६:०० वा: श्री देवाचा मुख्य छबिना आणि पालखी मिरवणूक.
क्रीडा आणि मनोरंजन: कुस्त्यांचे मैदान व बैलगाडी शर्यत
यात्रेच्या निमित्ताने ग्रामीण खेळांना प्रोत्साहन देण्यासाठी भव्य स्पर्धांचे आयोजन करण्यात आले आहे:
बैलगाडी शर्यत (गुरुवार, २६ मार्च): सकाळी ९:०० वाजता ‘ओपन बैलगाडी शर्यत’ मायणी-म्हसवड रोडवर पार पडेल. यासाठी प्रथम पारितोषिक ११,१११ रुपये ठेवण्यात आले आहे.
कुस्त्यांचे जंगी मैदान (गुरुवार, २६ मार्च): दुपारी २:०० वाजता मायणी येथील मुख्य रोडवर कुस्त्यांचे मैदान भरवण्यात येईल. यामध्ये नामवंत पैलवान सहभागी होणार असून, कुस्ती शौकिनांसाठी ही मोठी मेजवानी ठरेल.राज बहुउद्देशीय सामाजिक विकास संस्था आयोजित
होम मिनिस्टर व पैठणीचा खेळ (रविवार, २२ मार्च): महिलांसाठी दुपारी २:०० वाजता खास ‘होम मिनिस्टर’ आणि ‘खेळ पैठणीचा’ हा कार्यक्रम आयोजित केला आहे.
सामाजिक उपक्रम: भव्य आरोग्य शिबीर
भक्तीसोबतच शक्ती आणि आरोग्याचा विचार करत गुरुवार, २६ मार्च रोजी सकाळी १० ते २ या वेळेत मोफत आरोग्य तपासणी शिबिराचे आयोजन करण्यात आले आहे. यामध्ये तज्ञ डॉक्टरांकडून रुग्णांची तपासणी केली जाईल.
आयोजक आणि नियोजन
या संपूर्ण उत्सवाचे नियोजन श्री धनगर विठोबा देवस्थान ट्रस्ट, मायणी आणि गजी मंडळ, मायणी यांच्या संयुक्त विद्यमाने करण्यात आले आहे. यात्रेच्या यशस्वीतेसाठी कचरेवाडी आणि विठोबा चौक परिसरातील ग्रामस्थ परिश्रम घेत आहेत.
टिप: सर्व भाविक आणि नागरिकांनी या धार्मिक व सामाजिक उत्सवात मोठ्या संख्येने सहभागी व्हावे, असे आवाहन देवस्थान ट्रस्टच्या वतीने करण्यात आले आहे.
2) मायणी कला व वाणिज्य महाविद्यालयाचे 12 पासून सोळावे ग्रामीण युवा साहित्य संमेलन.
मायणी प्रतिनिधी—–मायणी कला व वाणिज्य महाविद्यालयाचे सोळावे ग्रामीण युवा साहित्य संमेलन गुरुवार बारापासून सुरू होत असल्याची माहिती प्राचार्य गोरोबा खुरपे यांनी दिली. सकाळी नऊ ते साडेदहा वाजता उद्घाटन सोहळा संपन्न होणार असून संमेलना अध्यक्ष डॉक्टर रफिक सुरज तर स्वागताध्यक्ष मायणी भाग शिक्षण प्रसारक मंडळाची चेअरमन सुरेंद्र गुदगे उपस्थित राहणार आहेत तसेच सत्र दुसरे ग्रंथ प्रकाशन व कथाकथन कार्यक्रम होणार असून प्रमुख उपस्थिती आडवोकेट शुभदा कुलकर्णी कल्लोळ गोंदनाचा तर सुभाष खोत यांची कथाकथन होणार आहे तसेच सत्र तिसरे कवी संमेलन अध्यक्ष कवी शिवाजी बंडगर तर सूत्रसंचालन महेश मोरे निमसोड हे करणार आहे किरण अहिवळे, नारायण कदम, पोर्णिमा वेदपाठक, संजय धोत्रे, प्रदीप भिसे श्रेया शिंदे ऐश्वर्या साळुंखे, विजय कदम, सौ वंदना निपा रे, भगवान वायदंडे, विठ्ठल भागवत, व श्यामसुंदर मिरजकर उपस्थित राहणार आहेत या संमेलनाचे समन्वयक शिवशंकर माळी व प्रमुख शौकत आणि सय्यद राहणार आहे
