शिरूर पंचायत समितीवर राष्ट्रवादीचा (अजित पवार गट) झेंडा; सौ स्वाती घावटे सभापती तर श्री रामभाऊ सासवडे उपसभापती.
पत्रकार गणेश बोऱ्हाडे शिरूर तालुका अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
शिरूर पंचायत समितीवर राष्ट्रवादीचा (अजित पवार गट) झेंडा; सौ स्वाती घावटे सभापती तर श्री रामभाऊ सासवडे उपसभापती.
शिरूर प्रतिनिधी गणेश बोऱ्हाडे
शिरूर: शिरूर पंचायत समितीमध्ये आज सकाळी ठीक अकरा वाजता सभापती आणि उपसभापती पदासाठी निवडणूक पार पडली. या निवडणुकीत राष्ट्रवादी काँग्रेसच्या (अजित पवार गट) उमेदवारांनी बाजी मारत शिरूर तालुक्यात आपला बालेकिल्ला पुन्हा एकदा अबाधित राखला आहे.
या निवडणुकीत शिरूर ग्रामीणच्या पंचायत समिती सदस्या सौ. स्वाती विठ्ठल घावटे यांची शिरूर पंचायत समितीच्या ‘सभापती’ पदी, तर शिक्रापूरचे माजी सरपंच श्री. पैलवान रामभाऊ सासवडे यांची ‘उपसभापती’ पदी बिनविरोध/बहुमताने निवड करण्यात आली.
शिरूर-हवेलीचे आमदार श्री. ज्ञानेश्वर (माऊली आबा) कटके यांच्या नेतृत्वाखाली ही निवडणूक पार पडली. या निवडीमागे तालुक्यातील दोन धुरंधर नेत्यांचा मोठा पाठपुरावा दिसून आला. मार्केट कमिटीचे माजी सभापती श्री शशिकांत दसगुडे आणि पंचायत समितीचे माजी उपसभापती राजेंद्र यांच्या उपस्थितीत ही निवडणूक प्रक्रिया पार पडली.
नवनिर्वाचित सभापती आणि उपसभापती पुढील पाच वर्षे पंचायत समितीच्या माध्यमातून तालुक्यातील ग्रामीण भागाच्या विकासासाठी काम करतील. त्यांच्या या निवडीबद्दल संपूर्ण तालुक्यातून त्यांच्यावर अभिनंदनाचा आणि शुभेच्छांचा वर्षाव होत आहे.
