शिरूर:-शिरूरमध्ये ९ मार्च रोजी भव्य मोफत वैद्यकीय तपासणी शिबिर.
पत्रकार गणेश बोऱ्हाडे शिरूर तालुका अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
शिरूरमध्ये ९ मार्च रोजी भव्य मोफत वैद्यकीय तपासणी शिबिर.
शिरूर प्रतिनिधी गणेश बोऱ्हाडे
पुणे जिल्ह्यातील शिरूर तालुक्यातील तरडोबाची वाडी येथे सोमवार, ९ मार्च २०२६ रोजी भव्य मोफत वैद्यकीय तपासणी शिबिराचे आयोजन करण्यात आले आहे. हे शिबिर Britannia Industries Limited यांच्या CSR उपक्रमांतर्गत आणि Sir Ness Wadia Foundation यांच्या संयुक्त विद्यमाने आयोजित करण्यात येत आहे.
हे शिबिर लहान मुले, गर्भवती महिला, किशोरी मुली तसेच सर्व नागरिक (पुरुष व महिला) यांच्यासाठी खुले असणार आहे.
शिबिरामध्ये सकाळी १० ते दुपारी ३ या वेळेत विविध प्रकारच्या मोफत आरोग्य तपासण्या केल्या जाणार आहेत. यामध्ये प्राथमिक आरोग्य तपासणी, हिमोग्लोबिन (HB) तपासणी, दंत तपासणी, डोळे तपासणी, मधुमेह (साखर) तपासणी, रक्तदाब तपासणी यांचा समावेश आहे. तसेच रुग्णांना मोफत औषधांचे वितरण देखील केले जाणार आहे.
हे शिबिर ब्रिटानिया डेअरी शेजारी, तापे मळा, तरडोबाची वाडी, तालुका शिरूर, जिल्हा पुणे येथे आयोजित करण्यात आले आहे.
या शिबिराचे आयोजन संभाजी कर्डिले युवा प्रतिष्ठान, तरडोबाची वाडी यांच्या वतीने करण्यात आले असून परिसरातील नागरिकांनी मोठ्या संख्येने उपस्थित राहून या मोफत आरोग्य सेवांचा लाभ घ्यावा, असे आवाहन आयोजकांनी केले आहे.
