वाई तालुक्यात डिजिटल पत्रकारितेचा नवा झंझावात; प्रविण गाडे अध्यक्षपदी, ताकदवान कार्यकारिणी मैदानात!
पत्रकार सारिका गवते वाई तालुका महिला अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
वाई तालुक्यात डिजिटल पत्रकारितेचा नवा झंझावात; प्रविण गाडे अध्यक्षपदी, ताकदवान कार्यकारिणी मैदानात!
वाई (प्रतिनिधी):
डिजिटल माध्यमांच्या वाढत्या प्रभावाला संघटित बळ देण्यासाठी अखिल भारतीय मराठी पत्रकार परिषद संलग्न डिजिटल मीडिया परिषद – वाई तालुका यांची नूतन कार्यकारिणी अधिकृतपणे जाहीर करण्यात आली आहे. अधीस्वीकृती समितीचे विभागीय अध्यक्ष हरीश पाटणे यांच्या मार्गदर्शनाखाली आणि डिजिटल मीडिया परिषदेचे राज्य कार्याध्यक्ष संतोष (सनी) शिंदे यांच्या स्पष्ट सूचनेनुसार ही निवड प्रक्रिया पार पडली.
डिजिटल पत्रकारितेत ठसा उमटवणारे प्रगती टाइम्स न्यूजचे जिल्हा प्रतिनिधी प्रविण गाडे यांची वाई तालुकाध्यक्षपदी सर्वानुमते निवड करण्यात आली असून, या निवडीमुळे वाई तालुक्यातील डिजिटल माध्यमांना नवे नेतृत्व आणि नवी दिशा मिळाल्याची चर्चा आहे.
अधीस्वीकृती समितीचे विभागीय अध्यक्ष हरीश पाटणे, डिजिटल मीडिया परिषदेचे राज्य अध्यक्ष अनिल वाघमारे, तसेच राज्य कार्याध्यक्ष संतोष (सनी) शिंदे आणि डिजिटल मीडिया परिषद सातारा यांच्या मार्गदर्शनाखाली ही कार्यकारिणी जाहीर करण्यात आली.
डिजिटल मीडिया परिषद – वाई तालुका | नूतन कार्यकारिणी
अध्यक्ष: प्रविण गाडे (प्रगती टाइम्स न्यूज)
उपाध्यक्ष: संजीव महामुनी (युवा मराठी न्यूज)
कार्याध्यक्ष: प्रविण नवघरे (लोकसंदेश न्यूज)
सचिव: प्रशांत थोरवे (जनप्रभा न्यूज)
सहसचिव: शुभम कोदे (शिवशाही न्यूज)
खजिनदार: सारिका गवते (RPS STAR NEWS)
प्रसिद्धी प्रमुख: गजानन जाधव (स्वॅप न्यूज)
निवडीच्या बैठकीस **मराठी पत्रकार संघ वाई तालुका (प्रिंट मीडिया)**चे अध्यक्ष सचिन ननावरे, तसेच धनंजय घोडके, विकास जाधव, बाळासाहेब सणस, विठ्ठल माने, भद्रेश भाटे यांच्यासह तालुक्यातील अनेक ज्येष्ठ व युवा पत्रकार मोठ्या संख्येने उपस्थित होते.
नूतन कार्यकारिणी जाहीर होताच मराठी पत्रकार परिषदेचे मुख्य विश्वस्त मार्गदर्शक एस. एम. देशमुख, विश्वस्त किरण नाईक, शरद पाबळे, राज्य अध्यक्ष मिलिंद आष्टीवकर, विभागीय अध्यक्ष हरीश पाटणे, राज्य अध्यक्ष अनिल वाघमारे आणि राज्य कार्याध्यक्ष संतोष (सनी) शिंदे यांनी सर्व नवनियुक्त पदाधिकाऱ्यांचे अभिनंदन केले.
वाई तालुक्यातील डिजिटल पत्रकारांचे प्रश्न, हक्क, सुरक्षितता आणि व्यावसायिक सन्मानासाठी ही नूतन कार्यकारिणी ठोस भूमिका घेईल. डिजिटल माध्यमांना योग्य न्याय मिळवून देणे, पत्रकारांचे संघटन मजबूत करणे आणि निर्भीड, विश्वासार्ह पत्रकारिता जपणे, या उद्दिष्टांसाठी ही टीम आक्रमक आणि प्रभावीपणे काम करेल, असा ठाम विश्वास यावेळी व्यक्त करण्यात आला.
