शिरगांव:-(वाई)-“शिरगावमध्ये योगाची लाट! श्वास-ध्यान-आसनांतून विद्यार्थ्यांमध्ये आरोग्यक्रांतीचा जागर”
पत्रकार सारिका गवते वाई तालुका महिला अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण – 8208717483
शिरगांव:-(वाई)-“शिरगावमध्ये योगाची लाट! श्वास-ध्यान-आसनांतून विद्यार्थ्यांमध्ये आरोग्यक्रांतीचा जागर”
शिरगाव, वाई (दि. 27 डिसेंबर 2025) –
मोबाईल, ताणतणाव आणि बदलत्या जीवनशैलीच्या विळख्यात अडकलेल्या पिढीसाठी आरोग्याचा नवा श्वास ठरलेले एक दिवसीय योग शिबिर शिरगाव येथे प्रचंड उत्साहात पार पडले.
यशश्री शिक्षण संस्था, शिरगाव व पतंजली योग समिती, वाई यांच्या संयुक्त विद्यमाने आयोजित या शिबिरामुळे शिरगावमध्ये योगाची खरी ताकद अनुभवायला मिळाली.
माध्यमिक विद्यालय व जिल्हा परिषद आदर्श प्राथमिक शाळेतील विद्यार्थी-शिक्षकांनी मोठ्या संख्येने सहभाग नोंदवत योगाबद्दलची आपली आस्था व्यक्त केली.
पतंजली योग समितीचे जिल्हाध्यक्ष राजपुरे सर यांनी “योग म्हणजे केवळ व्यायाम नाही, तर आरोग्यपूर्ण जीवनशैलीचा पाया आहे” असा ठाम संदेश देत प्रभावी प्रात्यक्षिकांद्वारे विद्यार्थ्यांना मंत्रमुग्ध केले.
शिबिरात भिलारे सर, राऊत सर, गवते मॅडम, कट्टे मॅडम यांची उपस्थिती कार्यक्रमाला अधिक बळ देणारी ठरली.
तसेच यशश्री अकॅडमीचे किरण भोसले सर, माध्यमिक विद्यालय शिरगावच्या मुख्याध्यापिका भोसले मॅडम, तसेच जिल्हा परिषद शाळेतील टिके सर व इथापे मॅडम यांच्या उपस्थितीने शिबिराला शैक्षणिक अधिष्ठान लाभले.
गावचे सरपंच माननीय दैवता भोसले यांच्या हस्ते शिबिराचे उद्घाटन होताच संपूर्ण परिसरात योगमय वातावरण निर्माण झाले.
योगासनं, प्राणायाम, श्वसनक्रिया व ध्यानामुळे विद्यार्थ्यांच्या चेहऱ्यावर एकाग्रता, शांती व आत्मविश्वास स्पष्टपणे झळकत होता.
कार्यक्रमाच्या समारोपप्रसंगी माननीय दिलीप भोसले यांनी आयोजक, मार्गदर्शक, शिक्षक व विद्यार्थ्यांचे आभार मानत, “असे उपक्रम म्हणजे निरोगी समाजाची पायाभरणी आहे” असे गौरवोद्गार काढले.
या शिबिरामुळे विद्यार्थ्यांमध्ये योगाबद्दल नवचैतन्य निर्माण झाले असून भविष्यातही योगविषयक उपक्रम सातत्याने राबविण्याचा ठाम निर्धार आयोजकांनी व्यक्त केला.
