सिंधुदुर्गनगरी : संपूर्ण राज्यात एकाचवेळी पोलीस भरती प्रक्रिया सुरू.
पत्रकार शैलेश मेस्त्री सिंधुदुर्ग जिल्हा कार्याध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
सिंधुदुर्गनगरी : संपूर्ण राज्यात एकाचवेळी पोलीस भरती प्रक्रिया सुरू.
सिंधुदुर्गनगरी : संपूर्ण राज्यात एकाचवेळी पोलीस भरती प्रक्रिया सुरू करण्यात आली आहे. सिंधुदुर्ग जिल्ह्यातही पोलीस दलात रिक्त असलेल्या पोलीस शिपाईपदाच्या ७८ जागांसाठी आणि चालक पोलीस शिपाईपदाच्या नऊ अशा एकूण ८७ पदांसाठी पोलीस भरती करण्यात येत आहे. याबाबतची ऑनलाईन जाहिरात सिंधुदुर्ग पोलीस दलाच्या संकेतस्थळावर प्रसिद्ध करण्यात आली असून भरतीसाठी इच्छुक उमेदवारांनी ३० नोव्हेंबरपर्यंत अर्ज करावेत, असे आवाहन पोलीस प्रशासनाकडून करण्यात आले आहे.
राज्य सरकारने राज्यातील पोलीस दलातील रिक्त असलेल्या पदांसाठी भरती राबविणार असल्याचे काही दिवसांपूर्वी जाहीर केले होते. त्यानंतर आता संपूर्ण राज्यात एकाचवेळी भरती प्रक्रिया राबविण्याचा निर्णय घेऊन प्रत्येक जिल्हयात भरती प्रक्रिया सुरू करण्यात आली आहे. त्यानुसार सिंधुदुर्गातही पोलीस भरती प्रक्रिया सुरू करण्यात आली आहे. जिल्ह्यात पोलीस शिपाई व चालक पोलीस शिपाईपदाच्या एकूण ८७ रिक्त पदांवर भरती होणार आहे.
