देगाव:-(ता.वाई) येथे रब्बी हंगामाची तयारी! गाव बैठकीत ‘बीज प्रक्रिया’ ते ‘तंत्रज्ञान’ पर्यंत सखोल मार्गदर्शन ॲप!
पत्रकार सुरेखा भोसले वाई तालुका महिला कार्याध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
माहिती आणि प्रसारण मंत्रालय दिल्ली नोंदणीकृत
मौजे देगाव (ता. वाई) येथे रब्बी हंगामाची तयारी! गाव बैठकीत ‘बीज प्रक्रिया’ ते ‘तंत्रज्ञान’ पर्यंत सखोल मार्गदर्शन ॲप!
देगाव, (ता. वाई): मौजे देगाव, ता.वाई येथील शेतकरी बांधवांनी आगामी रब्बी हंगामाच्या पूर्वतयारीसाठी आयोजित केलेल्या गाव बैठकीत उत्स्फूर्त प्रतिसाद दिला. या बैठकीत रब्बी ज्वारी, हरभरा पिकांसह आधुनिक तंत्रज्ञान आणि शासकीय योजनांवर सखोल मार्गदर्शन करण्यात आले.
प्रमुख उपस्थितांची मांदियाळी
या महत्त्वपूर्ण बैठकीला व्ही.पी. शेळके, सहाय्यक कृषी अधिकारी यांनी शेतकऱ्यांचे मार्गदर्शन केले. यावेळी देगावचे उपसरपंच श्री. किरण इथापे यांची प्रमुख उपस्थिती होती. तसेच, विविध सहकारी सोसायटीचे संचालक पांडुरंग इथापे आणि सयाजी थोपटे यांच्यासह भैरवनाथ शेतकरी गट, कृषी क्रांती शेतकरी गट आणि आझाद हिंद शेतकरी गट या सर्व शेतकरी गटांचे सदस्य उत्साहाने उपस्थित होते.
मार्गदर्शनाचे मुख्य टप्पे
बीज प्रक्रिया आणि पेरणी व्यवस्थापन: सहाय्यक कृषी अधिकारी व्ही.पी. शेळके यांनी रब्बी ज्वारी आणि हरभरा पिकांसाठी बीज प्रक्रिया करण्याचे प्रात्यक्षिक दाखवले. त्यांनी पेरणीचे योग्य अंतर आणि बियाण्यांचे प्रमाण सुरुवातीपासूनच पक्षी थांबे शेतामध्ये उभारण्याचे विषयी तांत्रिक माहिती देऊन कमीत कमी खर्चामध्ये उत्पादकता वाढवण्याचे सूत्र सांगितले.
पीक व्यवस्थापन: ज्वारी-हरभऱ्यानंतर हळद पिकातील करपा रोग व्यवस्थापनासाठी उपाययोजना आणि ऊस पिकातील खत व्यवस्थापन याबद्दल सविस्तर मार्गदर्शन करण्यात आले.
तंत्रज्ञान आणि योजना:
महाविस्तार AI ॲप: शेतकऱ्यांना हवामान, बाजारभाव आणि पीक सल्ला तत्काळ मिळवण्यासाठी उपयुक्त असलेल्या ‘महाविस्तार ए आय ॲप’ बद्दल सविस्तर माहिती देण्यात आली.
कृषी यांत्रिकीकरण योजना: शेतीची कामे कमी वेळेत आणि कमी खर्चात पूर्ण करण्यासाठी महाराष्ट्र शासन कृषी विभागाच्या महाडीबीटी पोर्टल वरील यांत्रिकीकरण योजने अंतर्गत मिळणाऱ्या अनुदानाची त्यासाठी लागणाऱ्या कागदपत्राची माहिती देऊन या योजनांचा लाभ घेण्याचे आवाहन करण्यात आले.
या बैठकीमुळे देगाव येथील शेतकऱ्यांना रब्बी हंगामाच्या तयारीसाठी वैज्ञानिक दृष्टिकोन आणि नवीन तंत्रज्ञान आत्मसात करण्याची प्रेरणा मिळाली.
