कणकवली:-(वारगाव सोरफ-सुतारवाडी)-दारूच्या नशेत मुलाने आईचा खून करण्याची घटना.
पत्रकार शैलेश मेस्त्री सिंधुदुर्ग जिल्हा कार्याध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
माहिती आणि प्रसारण मंत्रालय दिल्ली नोंदणीकृत
दारूच्या नशेत मुलाने आईचा खून करण्याची घटना.
दारूच्या नशेत मुलाने आईचा खून करण्याची घटना कणकवली तालुक्यातील वारगाव सोरफ-सुतारवाडी येथे घडली आहे. दारूच्या व्यसनापायी झालेल्या वादातून पोटच्या मुलानेच आपल्या ८० वर्षीय आईचा निर्घृण खून केल्याने संपूर्ण परिसरात एकच खळबळ उडाली आहे. काल बुधवारी रात्री ११.३० च्या सुमारास सुमारस ही घटना घडली.
आरोपी रवींद्र रामचंद्र सोरफ (४५) याचे दारूच्या व्यसनामुळे आई प्रभावती रामचंद्र सोरफ यांच्यासोबत जोरदार भांडण झाले. त्यामुळे संतापलेल्या रवींद्रने कोयत्याने आपल्या आईच्या डोक्यावर आणि शरीरावर अनेक ठिकाणी गंभीर वार केले. रक्ताच्या थारोळ्यात पडलेल्या आईला पाहूनही आरोपीला पश्चात्ताप झाला नाही. उलट, त्याने तिला तसेच ओढत घराच्या हॉलमध्ये आणले. अवघ्या काही क्षणात घडलेल्या या प्रकारामुळे सोरफ कुटुंब पूर्णपणे हादरून गेले. या घटनेची माहिती मिळताच पोलिसांनी तातडीने घटनास्थळी धाव घेतली. पोलिसांनी
घटनास्थळावरून आरोपी रवींद्रला ताब्यात घेतले. •असून, त्याची
कसून चौकशी सुरू आहे. पोलिसांनी गुन्हा दाखल करून पुढील तपास सुरू केला आहे.
