ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483

RPS STAR NEWS ( माहिती आणि प्रसारण मंत्रालय दिल्ली नोंदणीकृत )

फुले एज्युकेशन तर्फे लोकशाहीर अण्णाभाऊ साठे जयंती निमित होणार आंतरजातीय सत्यशोधक विवाह सोहळा !!!

पुणे . फुले शाहु आंबेडकर एज्युकेशनल अँड सोशल फौंडेशनतर्फे साहित्यरत्न लोकशाहीर अण्णाभाऊ साठे यांच्या 105 व्या जयंतीनिमित्त राजयोग प्लाझा सहकारी गृहरचना संस्था मर्यादित ,पुणे येथील बहुद्देशीय सत्यशोधक केद्रात दि. 6ऑगस्ट 2025 रोजी स.11 वाजता सत्यशोधक लक्षमण सुरेश पांचाळ,हैदराबाद आणि सत्यशोधिका तेजश्री गुलाब शेंडगे ,बार्शी सध्या कात्रज पुणे यांचा आंतरजातीय 54 वा सत्यशोधक विवाह सोहळा महात्मा फुले यांना अभिप्रेत असलेल्या सत्यशोधक पद्धतीने नेहमी प्रमाणे संस्थेचे अध्यक्ष व महात्मा फुले चरित्र साधने साहित्य व प्रकाशन समितीचे सदस्य सत्यशोधक रघुनाथ ढोक हे मोफत पार पाडणार आहेत. यावेळी राष्ट्रीय ओबीसी महासंघाचे विश्वस्थ प्रा.सुदाम धाडगे हे महात्मा फुले रचित मंगळास्टाके चे गायन करणार असून त्यांचे तर्फे वधू वर यांना संसारपयोगी भांडी भेट दिली जाणार आहे.

या प्रसंगी वधु वर यांचे शुभहस्ते थोर समाजसुधारक महात्मा फुले आणि क्रांतीज्योती सावित्रीबाई फुले यांच्या पुतळ्यास व लोकशाहीर अण्णाभाऊ साठे यांच्या फोटोला पुष्पहार अर्पण करण्यात येणार आहे.तर अक्षता म्हणून फुलांच्या पाकळ्यांचा वापर केला जाणार आहे.तसेच संस्थेचे वतीने वधुवर यांना सत्यशोधक विवाह प्रमाणपत्र आणि थोर समाजसुधारक महात्मा फुले आणि क्रांतीज्योती सावित्रीबाई फुले यांची फोटोप्रेम भेट दिली जाणार आहे. आणि पालकांना राष्ट्रीय ओबीसी महासंघातर्फे सन्मानपत्र देण्यात येणार आहे.
सत्यशोधक ढोक यांनी ह्या विवाह सोहळ्याची माहिती देताना सांगितले की हे वधु वर अल्पशिक्षित असले तरी देखील त्यांनी महापुर्षांच्या विचाराने विवाह करण्याचे मान्य करीत आई वडिलांचे संमतीनेच आंतरजातीय विवाह केले पाहिजे असे मत व्यक्त केले. संस्थेचे अध्यक्ष ढोक यांनी सर्व समाजाला आव्हान केले की या वधु वर यांना वस्तुरूपाने काही मदत करावयाचे असेल तर थेट विवाहप्रसंगी आशीर्वादरूपी वस्तू भेट देऊ शकतात तरी संस्थेशी संपर्क करावा . विवाहाचा खर्च संस्थेचे वतीने करण्यात येणार असून हा केद्रातील 8 वा सत्यशोधक विवाह सोहळा असून गेल्या 5 वर्षात महाराष्ट्र आणि तेलंगाना राज्यात एकूण 53 विवाह आणि 14 गृहप्रवेश सोहळे कार्यक्रम समाजाचे प्रबोधन करीत सिद्धीस नेले आहेत.

RPS STAR NEWS YOUTUBE चॅनेल ला LIKE, FOLLOW, SUBSCRIBE आणि COMMENT करा.

ACLS इंटरनॅशनल प्रेस रिपोर्टर असोसिएशन