ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483

RPS STAR NEWS ( माहिती आणि प्रसारण मंत्रालय दिल्ली नोंदणीकृत )

मंगळवार दि.29 जुलै 2025

वाई:-STP च्या योजनेतून वगळल्याबद्दल फुलेनगर चे नागरिक संतप्त.

वाई शहरातील सांडपाणी शुद्धीकरण प्रकल्पाचे सुरु असलेले काम हे फुले नगर परिसरातील सांडपाणी वगळून सुरु असल्याची माहिती मिळाल्यावर फुलेनगर चे ग्रामस्थ आज आक्रमक झाले. जमलेले ग्रामस्थ थेट नगरपालिका कार्यालयात मुख्याधिकाऱ्यांना जाब विचारण्यासाठी पोहोचले. त्यांच्या मागणीला पाठिंबा देण्यासाठी भाजप चे पदाधिकारी व कार्यकर्ते सुद्धा पालिकेत दाखल झाले. STP (सिव्हेज ट्रीटमेंट प्लॅन्ट) च्या योजनेत फुलेनगर परिसरातील सांडपाणी समाविष्ट करून त्यावर प्रक्रिया व्हावी. तसेच सुरु असलेल्या कामाचा दर्जा राखला जावा अशी ग्रामस्थ्यांची आग्रही मागणी होती.

पालिकेत मुख्याधिकारी यांच्या दालनासमोर पोहोचलेल्या कार्यकर्त्यांना मुंबई मंत्रालयात काम असल्याने मुख्याधिकारी अनुपस्थित असल्याचे सांगण्यात आले. म्हणून चिडलेले ग्रामस्थ व कार्यकर्ते यांनी त्यांच्या दालना बाहेरच ठिय्या मांडला. C O च्या वतीने कार्यालय अधीक्षक गोसावी साहेब व बांधकाम विभागाचे अभियंता प्रभुणे साहेब हे उपस्थितांना सामोरे गेले. याप्रसंगी फुलेनगर ग्रामस्थ व भाजप कार्यकर्त्यांनी नगरपालिकेच्या इमारतीत मुख्याधिकारी केबिन च्या बाहेर जमिनीवर बसूनच अधिकाऱ्यांना धारेवर धरले. STP चे होत असलेले काम निकृष्ट दर्जाचे असून त्यावर पालिकेचे लक्ष नसल्याची तक्रार तेजस दादा जमदाडे यांनी केली. तसेच फुलेनगर बरोबरच या योजनेतून वगळलेले नावेची वाडी व सिद्धनाथ वाडी परिसराचा काही भाग या योजनेत समाविष्ट करून घ्यावा असे मत शहर अध्यक्ष विजय ढेकाणे यांनी मांडले. या नंतर अधिकाऱ्यांनी दिलेल्या उत्तरावर समाधान न झाल्याने शेवटी नगरपालिकेचे अधिकारी, सल्लागार, कंत्राटदार व ग्रामस्थ यांची संयुक्त बैठक फुलेनगर येथे ज्या ठिकाणी STP प्लॅन्ट चे काम टप्पा क्रमांक 1 व 2 होणार आहे त्याठिकाणी घेण्याचे ठरले. तसेच जाग्यावर प्रत्यक्ष माहिती देण्यासाठी गुरुवारी सकाळी 10 वाजताची वेळ निश्चित करण्यात आली.
त्यानंतर नगरपालिकेला लेखी निवेदन देण्यात आले. त्याप्रसंगी भाजप शहर अध्यक्ष विजय ढेकाणे, काशिनाथजी शेलार, कामगार आघाडी जिल्हा अध्यक्ष तेजस जमदाडे, ऍड. विजय जमदाडे, उपाध्यक्ष विकास जाधव, भाजयुमो अध्यक्ष गणेश जायगुडे, सुधीर भागवत, चंद्रशेखर वनारसे, रमेश दादा जमदाडे, हेमंत भोरे, अथर्व पाटील, केदारसिंह राजपूत, अरुण जमदाडे, निलेश जमदाडे, शरद जमदाडे, चिंतामणी जमदाडे, सचिन जमदाडे, कृष्णा जमदाडे, योगेश जमदाडे, शिवाजी जमदाडे, राहुल कुंभार,संदीप जमदाडे, योगेश जमदाडे, संदीप गाढवे, इम्रान शेख, सुनील अडसूळ, किशोर जंबुरे, संजय जमदाडे, सतिश ससाणे, अजित जमदाडे, सुरज जमदाडे व फुलेनगर ग्रामस्थ बहुसंख्येने उपस्थित होते.

RPS STAR NEWS YOUTUBE चॅनेल ला LIKE, FOLLOW, SUBSCRIBE आणि COMMENT करा.

ACLS इंटरनॅशनल प्रेस रिपोर्टर असोसिएशन