पुणे:-प्रा.डॉ.संदीप भगवान वाकडे यांना “इंडियन टॅलेंट नॅशनल अवॉर्ड २०२३” पुरस्कार प्रदान.

ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483

प्रा. डॉ. संदीप भगवान वाकडे यांना “इंडियन टॅलेंट नॅशनल अवॉर्ड २०२३” पुरस्कार प्रदान.

हडपसर ०८ ऑक्टोबर २०२३

‘इंडियन टॅलेंट कट्टा’ यांच्या वतीने देण्यात येणारा “INDIAN TALENT NATIONAL AWARD WINNER 2023” (इंडियन टॅलेंट नॅशनल अवॉर्ड २०२३) हा पुरस्कार प्रा. डॉ. संदीप भगवान वाकडे यांना देऊन गौरविण्यात आले. हा सोहळा पुणे शहरातील पत्रकार भवन सभागृहात थाटात संपन्न झाला. विविध क्षेत्रांतून पुरस्कारासाठी निवडलेल्या मानकऱ्यांमध्ये एस. एम. जोशी कॉलेज, हडपसर येथील प्रा. डॉ. संदीप भगवान वाकडे यांना “इंडियन टॅलेंट नॅशनल अवॉर्ड २०२३” ने सन्मानित करण्यात आले. पुरस्काराचे स्वरुप मानाचा फेटा, सर्टीफिकेट व सन्मानचिन्ह असे होते. अखिल भारतीय मराठी चित्रपट महामंडळाचे अध्यक्ष श्री. मेघराज राजेभोसले, ज्येष्ठ अभिनेते श्री. सुनिल गोडबोले व अभिनेत्री आर्या घारे यांच्या हस्ते हा पुरस्कार प्रा. डॉ. संदीप वाकडे यांना प्रदान करण्यात आला.
प्रा. डॉ. संदीप वाकडे हे सध्या एस. एम. जोशी महाविद्यालय हडपसर येथे मराठी विभागात सहाय्यक प्राध्यापक या पदावर कार्यरत आहेत. त्यांना या आधीही मनुष्यबळ विकास लोकसेवा अकादमी (रजि. ट्रस्ट) संस्थेच्या वतीने “राज्यस्तरीय आदर्श साहित्यसेवक भाषागौरव पुरस्कार २०२३” व माणुसकी मल्टीपर्पज फाउंडेशन महाराष्ट्र राज्य यांच्यावतीने “राज्यस्तरीय माणुसकी भूषण गौरव समाजरत्न पुरस्कार २०२३” ने सन्मानीत करण्यात आलेले आहे. प्रा. डॉ. संदीप वाकडे यांनी “जग बदल घालूनि घाव एकनाथ आवाड यांचे आत्मकथन: एक अभ्यास” या विषयावर एम.फिल. पदवी प्राप्त केलेली आहे. तसेच “मराठी कादंबरीतून आलेले होळकर राजघराण्याचे चित्रण” (मल्हारराव होळकर, अहल्याबाई होळकर, यशवंतराव होळकर ) याविषयावर पी.एच.डी. (विद्यावाचस्पती) ही पदवी प्राप्त केलेली आहे. त्यांचे विविध ग्रंथ व जर्नल्समधून १८ शोधनिबंध व विविध वर्तमानपत्रांतून समाजसुधारकांविषयीचे संपादकीय लेख प्रकाशित झाले आहेत. “निवडक मराठी साहित्यकृतीतून अभिव्यक्त होणारा धनगर समाज एक अभ्यास” या विषयावरती मायनर रिसर्च प्रोजेक्टही त्यांनी पूर्ण केला आहे. त्यांच्या या साहित्यविषयक कामगिरीची दखल घेऊन ‘इंडियन टॅलेंट कट्टा’ यांच्या वतीने “INDIAN TALENT NATIONAL AWARD WINNER 2023” पुरस्काराने त्यांना सन्मानित करण्यात आले आहे. त्यांच्या या यशाबद्दल महाविद्यालयाचे प्राचार्य डॉ. एन. एस. गायकवाड साहेब यांनी त्यांचे अभिनंदन करीत त्यांना पुढील वाटचालीसाठी शुभेच्छा दिल्या. तसेच महाविद्यालयातील प्राध्यापक, कार्यालयीन सेवक व विद्यार्थ्यांनी त्यांचे अभिनंदन करीत त्यांना शुभेच्छा दिल्या.