खटाव:- खटाव तालुक्यातील पुसेसावळी येथील एका मुस्लिम तरुणाने इन्स्टाग्राम या सोशल मिडीयावर आक्षेपार्ह मजकुर ठेवल्याप्रकरणी गुन्हा दाखल – औंध पोलिसांकडून आरोपीस तात्काळ अटक.

ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483

 पत्रकार प्रमोद देवाडिगा महाराष्ट्र राज्य अध्यक्ष

इन्स्टाग्राम या सोशल मिडीयावर आक्षेपार्ह मजकुर ठेवल्याप्रकरणी पुसेसावळीतील एकावर गुन्हा दाखल.

औंध पोलिसांकडून आरोपीस तात्काळ अटक.

पुसेसावळी : खटाव तालुक्यातील
पुसेसावळी येथील एका मुस्लिम तरुणाने
१८ ऑगस्ट २३ सायंकाळी सातच्या सुमारास इन्स्टाग्राम या सोशल मिडीया प्लॅटफॉर्मवर श्रीराम, सीता व लक्ष्मण या देवतांबद्दल आक्षेपार्ह मजकुर ठेवल्या प्रकरणी औंध पोलीस ठाणे गु. रजि.नं. २३९/ २०२३. भा.दं. वि.सं.कलम-२९५ (अ) अन्वये गुन्हा नोंद करण्यात आला आहे. तात्काळ संबंधित इन्स्टाग्राम खाते धारकास ताब्यात घेवुन त्यास अटक करुन पुढील कायदेशीर कारवाई करण्यात आली आहे.

मागील काही दिवसापासुन महाराष्ट्रामध्ये काही ठिकाणी धार्मिक व जातीय तेढ निर्माण होईल, लोकांच्या धार्मिक भावना दुखावतील अशा पध्दतीने फोटो, मेसेज व व्हीडीओ हे सोशल मिडीयाव्दारे प्रकाशित झाल्यामुळे कायदा व सुव्यवस्थेचा प्रश्न निर्माण होत आहे. सोशल मिडीयावर कोणत्याही व्यक्तीने धार्मिक व जातीय तेढ निर्माण होईल, लोकांचे भावना दुखावतील अशा पध्दतीने फोटो, मेसेज व व्हिडीओ सोशल मिडीयाव्दारे प्रसारीत करणेत येवु नयेत. अशा प्रकारचे फोटो, मेसेज व व्हिडीओ प्रसारीत केलेस त्यांचेवर कायदेशीर करण्यात येईल.

नागरिकांना आवाहन करण्यात येते की, सोशल मिडीयातुन अशा कोणत्याही अफवांना बळी पडु नये. कोणतीही शहानिशा न करता धार्मिक व जातीय तेढ निर्माण होईल लोकांच्या भावना दुखावतील असे मेसेज, फोटो व व्हिडीओ प्रसारीत अगर फॉरवर्ड/शेअर करु नयेत. तसेच व्हॉटसअप, इन्स्टाग्राम ग्रुप अॅडमिन यांनी असे कोणतेही आक्षेपार्ह मेसेज, फोटो व व्हिडीओ प्रसारीत होवु देवु नये. यासाठी वेळीच प्रतिबंध करावा. तरी नागरीकांनी समाजात जातीय सलोखा तसेच कायदा व सुव्यवस्था अबाधित राहील यासाठी प्रयत्नशील व कटिबध्द राहावे असे आवाहन औंध पोलीस स्टेशन कडून करणेत येते आहे.