सातारा:-“भटक्या-विमुक्त महिलांच्या उद्यम विकासाला चालना : शिरगाव महिला दलाची सातारा जकातवाडी येथे अध्ययन भेट”
पत्रकार सुरेखा भोसले वाई तालुका महिला कार्याध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
“भटक्या-विमुक्त महिलांच्या उद्यम विकासाला चालना : शिरगाव महिला दलाची सातारा जकातवाडी येथे अध्ययन भेट”
सातारा, 27 जानेवारी:
अखिल भारतीय भटक्या विमुक्त जाती विकास व संशोधन संस्था — ही DNT/NT समाजाच्या शैक्षणिक, सामाजिक आणि आर्थिक सक्षमीकरणासाठी कार्यरत असलेली प्रमुख संस्था — हिच्या उपक्रमांना समजून घेण्यासाठी शिरगाव येथील महिलांचा विशेष अध्ययन दौरा आयोजित करण्यात आला.
दादा इदाते यांच्या मार्गदर्शनातून स्थापन झालेली ही संस्था सातारा परिसरात शिक्षण, संशोधन व कौशल्य विकासाचे विविध प्रकल्प राबवते. शारदाश्रम जकातवाडी येथे चालणाऱ्या राजमाता जिजाऊ उद्योजकता केंद्र आणि महिलांच्या बचत गटांद्वारे चालणाऱ्या विविध व्यवसायांची पाहणी करण्यासाठी हा भेट दौरा घेण्यात आला.
या उपक्रमाच्या आयोजनात माननीय दिलीप भोसले सर यांचे मोलाचे सहकार्य लाभले. शिरगावातील महिलांनी जकातवाडी येथील सुजाता स्टिचिंग सेंटर ला भेट देऊन शिवणकाम, उत्पादननिर्मिती आणि महिला उद्योगसमूहांच्या कार्यपद्धतीची माहिती मिळवली.
संस्थेचे प्रमुख माननीय जीवन बोराटे सर आणि त्यांच्या सहकाऱ्यांनी सर्व महिलांचे स्वागत करून संस्थेच्या प्रकल्पांची सविस्तर माहिती दिली. त्यांनी शिरगावमध्ये महिलांसाठी स्वतंत्र कौशल्य विकास केंद्र सुरू करण्याचे आश्वासन दिले. तसेच वैयक्तिक व्यवसाय करू इच्छिणाऱ्या महिलांना नियोजन, तंत्रज्ञान, कर्जसुविधा आणि विपणन याबाबत योग्य ते मार्गदर्शन व आवश्यक सहकार्य देण्याची ग्वाहीही दिली.
दौर्याचा एक महत्त्वाचा भाग म्हणून शिरगाव येथील 25 महिलांची उद्यम पोर्टलवर नोंदणी पूर्ण करण्यात आली आहे. पुढील काही दिवसांत या महिलांसाठी एक दिवसीय आणि तीन दिवसीय उद्योजकता विकास प्रशिक्षण आयोजित करण्याची तयारीही सुरू आहे.
हा दौरा शिरगावातील महिलांच्या उद्यमशीलतेला नवी दिशा देणारा आणि भटक्या-विमुक्त समाजाच्या विकासासाठी प्रेरणादायी ठरला आहे.
