राहता:-बाबळेश्वरच्या दूध कामगार पतसंस्थेच्या चेअरमन पदी मनोज भोंगळे तर व्हा.चेअरमन पदी रशीद शेख यांची निवड.

लोहगाव (वार्ताहर)

राहाता तालुक्यातील राजकीय दृष्ट्या महत्वाच्या असणाऱ्या दूध कर्मचारी विकास सहकारी सेवक पतसंस्थेच्या निवडणुकीत सत्ताधारी श्रीराम दूध कर्मचारी विकास मंडळ व जागृती दूध कर्मचारी विकास मंडळ यामध्ये लढत झाली होती यात जागृती दूध कर्मचारी विकास मंडळाचा संपूर्ण ९ जागेवर विजय झाला होता. सोमवार दि.२७ रोजी सकाळी ११ व.निवडणूक निर्णय अधिकारी राजेश सदाफळ यांच्या अध्यक्षतेखाली चेअरमन व व्हा .चेअरमन निवडीचा कार्यक्रम झाला. यात पतसंस्थेच्या चेअरमन पदी मनोज रघुनाथ भोंगळे तर व्हा.चेअरमन पदी रशीद कंकर शेख यांची निवड करण्यात आली.चेअरमन पदाच्या निवडीत सूचक म्हणून भारत शेळके तर अनुमोदक म्हणून बाळासाहेब दरंदले यांनी स्वाक्षरी केली तर व्हा. चेअरमन निवडीत सूचक म्हणून राजेंद्र मिसाळ तर अनुमोदक म्हणून म्हसु गुंजाळ यांनी स्वाक्षरी केली. या प्रसंगी पतसंस्थेचे मा.संचालक श्री.संजय इनामके यांच्या हस्ते नवनिर्वाचित चेअरमन. मनोज भोंगळे व व्हा.चेरमन रशिद शेख व संचालक मंडळ आणि निवडणूक निर्णय अधिकारी श्री राजेश सदाफळ. व पतसंस्थेचे सचिव अण्णा साहेब बेंद्रे यांचा सत्कार करण्यात आला.या प्रसंगी बाळासाहेब दरंदले ,पोपट पवार ,सुरेश लुटे ,विठ्ठल शिंदे ,भारत शेळके ,राजेंद्र मिसाळ,म्हसु गुंजाळ ,अण्णासाहेब पुलाटे ,सुभाष गोरे ,अरुण खर्डे ,मधुकर शिंदे ,दिनकर शिंदे ,सोपान आरंगळे ,जयराम दाणेकर, आदी सभासद कर्मचारी उपस्थित होते. या वेळी श्री संजय इनामके यांनी सर्वांचे आभार मानले.