पारनेरच्या राजकारणाची दिशा बदलली; लोकशाहीच्या नावाखाली हुकूमशाहीचा दरारा?
पत्रकार राजकुमार इकडे पश्चिम महाराष्ट्र उपाध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
पारनेरच्या राजकारणाची दिशा बदलली; लोकशाहीच्या नावाखाली हुकूमशाहीचा दरारा?
राजकीय दावणीला बांधलेली माणसं, बदललेली विचारधारा आणि संकटात सापडलेला सर्वसामान्य शेतकरी!
लेखक : राजकुमार इकडे | पत्रकार
पारनेर तालुका! एकेकाळी वैचारिक संघर्षाची, डाव्या विचारसरणीची आणि सामान्य माणसाच्या हक्कांसाठी आवाज उठवणाऱ्या चळवळींची ओळख असलेला हा तालुका. शेतकरी, कष्टकरी, कामगार आणि सामान्य जनतेच्या प्रश्नांवर राजकीय भूमिका घेतली जात होती. विचारांना महत्त्व होते, तत्त्वांना किंमत होती आणि सत्ताधाऱ्यांना प्रश्न विचारण्याची हिंमत सामान्य माणसात होती, अशी या राजकीय परंपरेची आठवण आजही अनेक जण सांगतात.
मात्र, आजच्या पारनेरच्या राजकीय वातावरणाकडे पाहताना एक प्रश्न अस्वस्थ करतो—राजकारणाची दिशा बदलली, की राजकारणातील विचारच हरवले?
लोकशाहीच्या नावाने राजकारण केले जाते; पण प्रत्यक्षात सामान्य कार्यकर्त्याला आणि नागरिकाला स्वतंत्रपणे विचार मांडण्याचे स्वातंत्र्य किती आहे? नेत्यांना प्रश्न विचारणारा कार्यकर्ता विरोधक ठरतो का? राजकीय निष्ठा दाखवण्यासाठी स्वतःचा विवेक बाजूला ठेवावा लागतो का? हे प्रश्न पारनेरच्या राजकीय संस्कृतीने स्वतःला विचारण्याची वेळ आली आहे.
राजकीय दावणीला बांधलेली जनावरे नव्हे, तर स्वतंत्र विचार करणारे नागरिक हवेत!
राजकारणात मतभेद असणे स्वाभाविक आहे. प्रत्येक व्यक्तीला आपले मत मांडण्याचा, नेत्याच्या निर्णयावर टीका करण्याचा आणि चुकीच्या धोरणाला विरोध करण्याचा अधिकार आहे. परंतु जेव्हा राजकीय निष्ठा ही विचारांपेक्षा मोठी ठरते, तेव्हा लोकशाहीचा खरा अर्थ हरवू लागतो.
आजच्या राजकारणातील एक गंभीर प्रवृत्ती म्हणजे नेत्यांच्या प्रत्येक निर्णयाचे समर्थन करण्याची चढाओढ. नेता चुकला तरी त्याची चूक मान्य करायची नाही, जनतेचे नु
