वाळवा:-शेणे येथे जिल्हा परिषद शाळेच्या नूतन वर्गखोल्यांचे भूमिपूजन उत्साहात.
पत्रकार विनोद पाटील सातारा जिल्हा अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
वाळवा:-शेणे येथे जिल्हा परिषद शाळेच्या नूतन वर्गखोल्यांचे भूमिपूजन उत्साहात.
शेणे (ता.वाळवा): -शेणे येथील जिल्हा परिषद शाळेच्या नूतन वर्गखोल्यांच्या बांधकामाचा भूमिपूजन समारंभ उत्साहपूर्ण व आनंदी वातावरणात पार पडला. सांगली जिल्हा राष्ट्रवादी काँग्रेस (शरदचंद्र पवार) पक्षाचे अध्यक्ष मा. देवराज पाटील (दादा), रेठरे धरण गावचे लोकनियुक्त सरपंच मा. हर्षवर्धन पाटील (बाबा) तसेच वाळवा पंचायत समितीचे सदस्य मा. प्रकाश पाटील यांच्या हस्ते नूतन वर्गखोल्यांच्या बांधकामाचे भूमिपूजन करण्यात आले.
शाळेतील विद्यार्थ्यांना दर्जेदार व गुणवत्तापूर्ण शिक्षणासोबतच सुरक्षित, प्रशस्त आणि सुविधायुक्त शैक्षणिक वातावरण मिळावे, या उद्देशाने नूतन वर्गखोल्यांचे बांधकाम हाती घेण्यात आले आहे. वाढत्या विद्यार्थी संख्येच्या पार्श्वभूमीवर या नवीन वर्गखोल्या शाळेसाठी अत्यंत उपयुक्त ठरणार असून, विद्यार्थ्यांच्या शैक्षणिक प्रगतीला यामुळे निश्चितच चालना मिळणार आहे.
यावेळी शाळेच्या परिसरात नव्याने घेण्यात आलेल्या बोअरवेलचे उद्घाटन देखील मान्यवरांच्या हस्ते करण्यात आले. शाळेतील विद्यार्थ्यांना स्वच्छ व पुरेसा पाणीपुरवठा उपलब्ध होण्यास या बोअरवेलचा मोठा फायदा होणार आहे. शिक्षणासोबतच शाळेतील मूलभूत सुविधांकडे लक्ष देण्यात येत असल्याने ग्रामस्थ व पालकांकडून समाधान व्यक्त करण्यात आले.
यावेळी सरपंच वैशाली पाटील, उपसरपंच संतोष निकम, सेवा सोसायटीचे चेअरमन संजय पाटील, तंटामुक्ती समितीचे अध्यक्ष शंकर पवार, ज्येष्ठ नेते वसंत पाटील, डॉ. महेश पाटील, माजी सरपंच विनायक निकम, ग्रामपंचायत सदस्य उमेश पाटील, सुरेखा पवार, सुलभा शिंदे, शाळा व्यवस्थापन समितीचे अध्यक्ष मिलिंद पाटील, उपाध्यक्ष अमर शिरतोडे यांच्यासह बाळासो पाटील, जालिंदर पाटील, रविंद्र पाटील, संभाजी पाटील, योगेश सावंत, अर्जुन धुमाळ, प्रदीप शेटके, अमोल पाटील, पोलीस पाटील विजय मदने, यश पाटील, आप्पा शिरतोडे, विनोद कांबळे, आप्पा पवार, महादेव पवार, श्रीकांत पाटील सर, जालिंदर पाटील सर, मोहन पाटील सर, दीपक पाटील, रितेश पाटील, प्रमोद पाटील, दिनेश पाटील, युवराज पाटील, देवेंद्र सावंत, कैलास पाटील, दत्ता भिंगरदेवे, प्रशांत पाटील यांच्यासह ग्रामस्थ मोठ्या संख्येने उपस्थित होते.
या प्रसंगी उपस्थित मान्यवरांनी विद्यार्थ्यांच्या उज्ज्वल भविष्यासाठी शिक्षणाच्या पायाभूत सुविधा अधिक सक्षम करण्याची गरज व्यक्त केली. ग्रामीण भागातील विद्यार्थ्यांना शहरातील विद्यार्थ्यांप्रमाणेच दर्जेदार शैक्षणिक सुविधा उपलब्ध व्हाव्यात, यासाठी लोकसहभागातून होणारे असे उपक्रम निश्चितच कौतुकास्पद असल्याचे मत व्यक्त करण्यात आले.
नूतन वर्गखोल्या आणि बोअरवेलच्या सुविधेमुळे शेणे जिल्हा परिषद शाळेच्या शैक्षणिक व भौतिक सुविधांमध्ये महत्त्वपूर्ण भर पडणार असून, विद्यार्थ्यांच्या सर्वांगीण विकासासाठी हे पाऊल महत्त्वाचे ठरणार आहे.
