खटाव:-(मायणी)-मातोश्री सरुताई देवस्थानला ‘ब’ वर्ग दर्जा; दोन कोटींच्या विकासकामांना मंजुरी!
ज्येष्ठ पत्रकार प्रा.दिलीप पुस्तके सातारा
राष्ट्रीय अध्यक्ष संपादक प्रल्हाद चव्हाण – 8208717483
खटाव:-(मायणी)-मातोश्री सरुताई देवस्थानला ‘ब’ वर्ग दर्जा; दोन कोटींच्या विकासकामांना मंजुरी!
पाच वर्षांच्या प्रयत्नांना यश; मंत्री जयकुमार गोरे यांच्या विशेष प्रयत्नांतून देवस्थानच्या विकासाला मिळणार मोठी चालना.
मायणी प्रतिनिधी : खटाव तालुक्यातील हजारो भाविकांचे श्रद्धास्थान असलेल्या मातोश्री सरुताई देवस्थानला सरकारी ‘ब’ वर्ग दर्जा मिळाला असून, देवस्थान परिसराच्या विकासासाठी तब्बल दोन कोटी रुपयांच्या विविध विकासकामांना मंजुरी मिळाली आहे. त्यामुळे देवस्थानच्या विकासाला मोठी चालना मिळणार असून, भाविकांमध्ये आनंदाचे वातावरण निर्माण झाले आहे.
याबाबतची माहिती देवस्थान ट्रस्टचे अध्यक्ष डॉ. दिलीपराव येळगावकर यांनी दिली. ‘ब’ वर्ग दर्जा मिळविण्यासाठी गेल्या पाच वर्षांपासून आपण सातत्याने प्रयत्न करत होतो. अखेर राज्याचे ग्रामविकास तथा पंचायत राज्यमंत्री जयकुमार गोरे यांनी विशेष प्रयत्न करून मातोश्री सरुताई देवस्थानला ‘ब’ वर्ग दर्जा मिळवून दिल्याचे डॉ. येळगावकर यांनी सांगितले.
‘ब’ वर्ग दर्जा मिळण्याबरोबरच देवस्थानच्या विकासासाठी सुमारे दोन कोटी रुपयांची विकासकामे मंजूर करण्यात आली आहेत. यामध्ये भव्य सभामंडप उभारणे, मोकळ्या जागेत पेव्हर ब्लॉक बसविणे, देवस्थान परिसराचे सुशोभीकरण करणे, वॉल कंपाऊंड तयार करणे यासह अन्य विविध विकासकामांचा समावेश आहे. या कामांमुळे देवस्थान परिसराचा कायापालट होऊन भाविकांना अधिक चांगल्या सुविधा उपलब्ध होण्यास मदत होणार आहे.
मातोश्री सरुताई देवस्थानला ‘ब’ वर्ग दर्जा मिळवून दिल्याबद्दल तसेच कोट्यवधी रुपयांची विकासकामे मंजूर केल्याबद्दल जिल्हा परिषद सदस्य सुरज पाटील, देवस्थानचे उपाध्यक्ष विजय कवडे आणि सचिव रवींद्र शेठ बाबर यांनी मंत्री जयकुमार गोरे यांचे विशेष अभिनंदन करून आभार व्यक्त केले.
दरम्यान, देवस्थानला ‘ब’ वर्ग दर्जा मिळाल्याचे अधिकृत पत्र देताना माढ्याचे माजी खासदार रणजितसिंह निंबाळकर, विधानपरिषद आमदार धैर्यशील कदम, आमदार सचिन पाटील आणि मंत्र्यांचे सचिव सचिन कोठेकर यांची उपस्थिती होती.
मातोश्री सरुताई देवस्थानला मिळालेला ‘ब’ वर्ग दर्जा आणि मंजूर झालेल्या दोन कोटी रुपयांच्या विकासकामांमुळे देवस्थानच्या विकासाचा नवा अध्याय सुरू झाला असून, खटाव तालुक्यातील हजारो भाविकांसाठी ही निश्चितच आनंदाची आणि समाधानाची बाब ठरली आहे.
📌 मंजूर प्रमुख विकासकामे :
▪️ भव्य सभामंडप उभारणे
▪️ मोकळ्या जागेत पेव्हर ब्लॉक बसविणे
▪️ देवस्थान परिसराचे सुशोभीकरण
▪️ वॉल कंपाऊंड तयार करणे
▪️ अन्य विविध पायाभूत सुविधा व विकासकामे
🙏 श्रद्धा, सेवा आणि विकासाचा संगम; मातोश्री सरुताई देवस्थानच्या विकासाला आता मिळणार नवी झेप!
