शिरूर:-प्रभाग क्र. २ मधील सात दिवशीय ‘बाल संस्कार शिबिर’ उत्साहात संपन्न; १०८ विद्यार्थ्यांना प्रमाणपत्रांचे वाटप.
पत्रकार गणेश बोऱ्हाडे शिरूर तालुका अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
प्रभाग क्र. २ मधील सात दिवशीय ‘बाल संस्कार शिबिर’ उत्साहात संपन्न; १०८ विद्यार्थ्यांना प्रमाणपत्रांचे वाटप.
शिरूर :
प्रभाग क्र. २ मध्ये १ जून ते ७ जून या कालावधीत आयोजित करण्यात आलेले सात दिवशीय ‘बाल संस्कार शिबिर’ अत्यंत यशस्वीपणे पार पडले. नगरसेविका सौ. स्वप्नालीताई योगेश जामदार मित्र मंडळाच्या वतीने या उपयुक्त शिबिराचे आयोजन करण्यात आले होते. शिबिरात सहभागी झालेल्या १०८ मुलांनी सात दिवस विविध कला आणि कौशल्यांचे धडे गिरवले. शिबिराच्या सांगता समारंभात सर्व मुलांना सहभाग प्रमाणपत्र देऊन गौरविण्यात आले.
विविध विषयांचे तज्ज्ञांकडून मार्गदर्शन
या शिबिरात मुलांच्या सर्वांगीण विकासासाठी आणि भविष्यात उपयोगी ठरतील अशा अनेक विषयांचे प्रशिक्षण देण्यात आले:
श्लोक, प्रार्थना, स्तोत्र व सूर्यनमस्कार : ‘शिरूर संवादिनी’च्या वतीने मुलांचे आध्यात्मिक व शारीरिक संस्कार करण्यात आले. यासोबतच ‘गुड टच, बॅड टच’बाबतही प्रबोधन करण्यात आले.
योगासन : योगगुरू विनायक पोटे आणि श्री. लोखंडे सर यांनी योगसाधनेचे धडे दिले.
कराटे प्रशिक्षण : सुदाम राखूडे सर यांनी स्वसंरक्षणाचे तंत्र शिकवले.
चित्रकला व हस्ताक्षर : श्री. संदीप वेताळ सर यांनी मुलांच्या कलागुणांना वाव दिला.
अबॅकस प्रशिक्षण : सौ. प्रतिभा पुजारी मॅडम यांनी गणिताच्या सोप्या पद्धती शिकवल्या.
संगीत (तबला व पेटी) : ओंकार संगीत विद्यालय, शिरूर यांच्या वतीने संगीताचे प्राथमिक धडे देण्यात आले.
आरोग्य तपासणी : डॉ. मोनिका धापटे-धुमाळ यांनी मुलांची दात तपासणी, तर डॉ. साळुंके सर यांनी डोळे तपासणी केली.
महत्त्वाची घोषणा:
शिबिराला मिळालेला उत्स्फूर्त प्रतिसाद पाहून, मुलांमधील हे संस्कार टिकून राहण्यासाठी यापुढे देखील प्रत्येक रविवारी बाल संस्कार वर्ग चालू ठेवण्यात येणार आहे, अशी माहिती श्री. योगेश जामदार यांनी दिली.
मान्यवरांचे कौतुक उद्गार
सौ. ऐश्वर्याताई पाचर्णे (नगराध्यक्षा) : “अशा बाल संस्कार शिबिराची आज समाजात खूप गरज आहे. नगरपालिकेत नवीन बॉडी निवडून आल्यापासूनच्या पाच महिन्यांत, सर्वात उपयुक्त आणि कौतुकास्पद कार्यक्रम प्रभाग क्र. २ मध्ये घेण्यात आला आहे.”
श्री. रवींद्र धनक सर : “मुलांमध्ये संस्कार रुजावे असे वाटत असेल, तर सर्वात आधी पालकांनी आपले आचरण सुधारणे गरजेचे आहे. मुले पालकांचेच अनुकरण करत असतात.”
सौ. डॉ. सुनिताताई पोटे (सभापती) : “भावी युवा शक्ती घडवण्याचा नगरसेविका स्वप्नालीताई जामदार यांचा हा उद्देश अत्यंत कौतुकास्पद असून तो नक्कीच यशस्वी होईल.”
श्री. अमोल चव्हाण व श्री. गणेश कोळपकर (नगरसेवक) : “अशी बाल संस्कार शिबिरे शहरातील सर्वच प्रभागांमध्ये राबवली गेली पाहिजेत.”
सहकार्य आणि संयोजन
या शिबिरात रोज उपस्थित राहणाऱ्या मुलांना श्री. मच्छिन्द्रशेठ जामदार यांच्या वतीने खाऊचे वाटप करण्यात येत होते. कार्यक्रमाच्या यशस्वीतेसाठी श्री. चेतन जामदार, श्री. भरत कालेवार, श्री. विजय शिर्के, श्री. सागर शिर्के, श्री. संजय कडेकर आणि श्री. राजेंद्र गोरडे यांनी विशेष सहकार्य केले.
या प्रसंगी मा. नगरसेवक, उपसभापती सौ. स्वप्नालीताई जामदार, सौ. पाटील मॅडम, डॉ. वैशाली साखरे, सौ. लोखंडे मॅडम, सौ. शशिकला काळे यांच्यासह मोठ्या संख्येने पालक उपस्थित होते.
कार्यक्रमाची प्रस्तावना श्री. योगेश जामदार यांनी केली, तर सूत्रसंचालन डॉ. वैशालीताई साखरे यांनी केले. शेवटी उपस्थित सर्वांचे आभार नगरसेविका सौ. स्वप्नालीताई योगेश जामदार यांनी मानले.
