महाबळेश्वर पंचायत समितीची सहविचार आढावा बैठक संपन्न.
पत्रकार उत्तम भालेराव महाबळेश्वर तालुका अध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
महाबळेश्वर पंचायत समितीची सहविचार आढावा बैठक संपन्न.
महाबळेश्वर प्रतिनिधी: उत्तम भालेराव महाबळेश्वर तालुक्यातील दुर्गम भागातील वीज आणि एसटी सेवा सुरळीत करण्याचे निर्देश!
सभापती रंजनाताई चोरमलेउपसभापती संजयजी मोरे आणि शिवसेना पंचायत समिती सदस्य संजयजी शेलार शिवसेना तालुकाप्रमुख गणेश उतेकर यांचा तालुक्याच्या विकासासाठी प्रशासनाला कडक सूचनांचा दणका
महाबळेश्वर: महाबळेश्वर तालुक्याचा सर्वांगीण विकास साधण्यासाठी आणि ग्रामीण भागातील जनतेचे प्रलंबित प्रश्न सोडवण्यासाठी महाबळेश्वर पंचायत समिती येथे एक महत्त्वपूर्ण सहविचार सभा उत्साहात संपन्न झाली. या बैठकीत उपसभापती संजयजी मोरे साहेब आणि शिवसेना तालुकाप्रमुख गणेश उतेकर यांनी संयुक्तपणे पुढाकार घेत, तालुक्यातील विविध विभागांच्या मुख्य अधिकाऱ्यांना कामांना गती देण्याच्या कडक सूचना दिल्या.
या अत्यंत महत्त्वाच्या बैठकीला गटविकास अधिकारी (BDO), तालुक्यातील सर्व सरपंच, ग्रामसेवक, लोकप्रतिनिधी आणि पंचायत समिती सदस्य मोठ्या संख्येने उपस्थित होते.
अधिकारी व कर्मचाऱ्यांना वेगवेगळ्या स्तरावर स्पष्ट निर्देश:
बैठकीत उपसभापती संजयजी मोरे आणि शिवसेना तालुकाप्रमुख गणेश उतेकर यांनी उपस्थित सर्व विभागांच्या प्रमुखांना धारेवर धरत खालीलप्रमाणे वेगवेगळ्या महत्त्वपूर्ण सूचना दिल्या:
बीडिओ (BDO) ग्रामसेवक सरपंच यांना सूचना: तालुक्यातील प्रत्येक गावातील विकासकामे कागदावर न राहता ती प्रत्यक्षात आणि दर्जेदार पद्धतीने वेळेत पूर्ण करावीत. प्रत्येक सरपंचांना विश्वासात घेऊन गावाचा विकास आराखडा तयार करावा.
इलेक्ट्रिक बोर्डाच्या मुख्य अधिकाऱ्यांना ताकीद: पावसाळ्याच्या दिवसांत तालुक्यातील अतिदुर्गम व डोंगरी भागातील वीज पुरवठा वारंवार खंडित होतो. महावितरणच्या मुख्य अधिकाऱ्यांनी आत्तापासूनच नियोजन करून दुर्गम भागातील वीज सेवा अखंडित व सुरळीत राहील याची पूर्ण जबाबदारी घ्यावी.
एसटी डेपो मॅनेजरांना आदेश: ग्रामीण भागातील विद्यार्थी, नोकरदार आणि सर्वसामान्य नागरिकांची गैरसोय खपवून घेतली जाणार नाही. एसटी डेपोच्या साहेबांनी तालुक्यातील सर्व दुर्गम भागांतील एसटी फेऱ्या वेळेवर आणि नियमित चालवाव्यात.
जनतेचे प्रश्न सुटणार!
तालुक्यातील सर्वच विभागांच्या अधिकाऱ्यांना एकत्र आणून, त्यांच्या कामांचे स्वरूप आणि जबाबदारी निश्चित करून दिल्यामुळे या बैठकीला विशेष महत्त्व प्राप्त झाले आहे. उपसभापती संजय मोरे आणि गणेश उतेकर यांच्या या आक्रमक व विकासात्मक भूमिकेमुळे महाबळेश्वर तालुक्यातील दुर्गम भागातील रखडलेले प्रश्न आता कायमचे सुटतील, असा विश्वास नागरिकांमधून व्यक्त होत आहे.
