कराड:-“देणं म्हणजेच मिळवणं – ‘Give to Gain’ संदेशातून महिला सशक्तीकरणाचा प्रभावी जागर”
पत्रकार सरिता जगताप कोल्हापूर जिल्हा महिला PRO
राष्ट्रीय अध्यक्ष संपादक प्रल्हाद चव्हाण – 8208717483
“देणं म्हणजेच मिळवणं – ‘Give to Gain’ संदेशातून महिला सशक्तीकरणाचा प्रभावी जागर”
कोल्हापूर प्रतिनिधी सरीता जगताप
डॉक्टर अशोक गुजर इन्स्टिट्यूट ऑफ फार्मसी तसेच दौलतराव आहेर कॉलेज ऑफ इंजीनियरिंग यांच्या संयुक्त विद्यमाने आंतरराष्ट्रीय महिला दिन उत्साहात साजरा करण्यात आला. महिला दिनाच्या औचित्य साधून आयोजित या कार्यक्रमात महिलांच्या सशक्तीकरणाचा प्रभावी संदेश देण्यात आला.
या कार्यक्रमासाठी गुजर चॅरिटेबल ट्रस्टच्या सेक्रेटरी तसेच वैद्यकीय क्षेत्रात डॉक्टर म्हणून कार्यरत असलेल्या डॉ. माधुरी गुजर मॅडम प्रमुख पाहुण्या म्हणून उपस्थित होत्या. आपल्या मार्गदर्शनपर भाषणातून त्यांनी समाजाच्या प्रगतीसाठी महिला सशक्तीकरण किती आवश्यक आहे हे प्रभावीपणे पटवून दिले. तसेच 2026 च्या महिला दिनाच्या “Give to Gain” या थीमनुसार समाजासाठी काहीतरी देण्याची वृत्ती जोपासल्यासच खरे समाधान आणि यश मिळते, असा प्रेरणादायी संदेश त्यांनी उपस्थितांना दिला.
कार्यक्रमाची सुरुवात प्रास्ताविकाने झाली असून प्रास्ताविक डॉ. कुमठेकर मॅडम यांनी केले. त्यांनी महिला दिनाचे महत्त्व अधोरेखित करत कार्यक्रमाच्या उद्देशाविषयी माहिती दिली.
या कार्यक्रमांतर्गत महिलांसाठी विविध स्पर्धा व उपक्रमांचे आयोजन करण्यात आले होते. विद्यार्थ्यांनीही या कार्यक्रमात मोठ्या उत्साहाने व हिरिरीने सहभाग नोंदवत कार्यक्रमाची रंगत वाढवली.
या कार्यक्रमाचे यशस्वी आयोजन करण्यासाठी प्रोफेसर अनघा कडवे मॅडम आणि प्रोफेसर ऋतुजा गायकवाड मॅडम यांनी समन्वयक म्हणून महत्त्वपूर्ण भूमिका बजावली. त्यांच्या नियोजनबद्ध प्रयत्नांमुळे कार्यक्रम यशस्वीरीत्या पार पडला.
महिला सशक्तीकरणाचा संदेश देणारा हा कार्यक्रम प्रेरणादायी वातावरणात संपन्न झाला आणि उपस्थितांमध्ये समाजासाठी सकारात्मक योगदान देण्याची प्रेरणा निर्माण झाली.
