वाईत डॉ. श्री नानासाहेब धर्माधिकारी प्रतिष्ठानतर्फे भव्य स्वच्छता अभियान.

ACLS INTERNATIONAL PRESS REPORTER ASSOCIATION & RPS STAR NEWS NATIONAL PRESIDENT & EDITOR MR. PRALHAD CHAVAN – 8208717483

वाईत डॉ.श्री नानासाहेब धर्माधिकारी प्रतिष्ठानतर्फे भव्य स्वच्छता अभियान.

 सातारा प्रतिनिधी अनिल वाडकर

वाई (जि. सातारा) : डॉ. श्री नानासाहेब धर्माधिकारी प्रतिष्ठान, रेवदंडा (ता. अलिबाग, जि. रायगड) यांच्या तर्फे वाई तालुक्यात भव्य स्वच्छता अभियान राबविण्यात आले. या अभियानात मोठ्या संख्येने स्वयंसेवकांनी उत्साहाने सहभाग नोंदविला.
शहरातील प्रमुख रस्ते, सार्वजनिक ठिकाणे तसेच परिसर स्वच्छ करून नागरिकांमध्ये स्वच्छतेबाबत जनजागृती करण्यात आली. स्वयंसेवकांनी हातमोजे, झाडू आणि इतर स्वच्छता साहित्याच्या साहाय्याने परिसर स्वच्छ केला. विशेषतः प्लास्टिक कचरा वेगळा संकलित करून पर्यावरणपूरक संदेश देण्यात आला.
या उपक्रमास स्थानिक नागरिकांचा उत्स्फूर्त प्रतिसाद लाभला. “स्वच्छता हीच सेवा” हा संदेश देत सामाजिक बांधिलकी जपण्याचा प्रयत्न करण्यात आला.
विशेष म्हणजे, हा स्वच्छता उपक्रम केवळ वाई तालुक्यातच नव्हे तर महाराष्ट्रातील विविध जिल्ह्यांसह देश-विदेशातील अनेक ठिकाणी एकाच दिवशी राबविण्यात आला. त्याचबरोबर विविध ठिकाणी “समर्थ बैठक” कार्यक्रमांचे आयोजन करण्यात आले होते. या बैठकींतून सामाजिक कार्य, संस्कार आणि समाजप्रबोधन यावर मार्गदर्शन करण्यात आले.
या उपक्रमामुळे परिसर स्वच्छतेबरोबरच सामाजिक एकात्मता आणि सेवाभाव अधिक दृढ झाल्याची भावना नागरिकांनी व्यक्त केली.

RPS STAR NEWS युट्युब चॅनेल ला लाईक, सबस्क्राईब आणि कंमेंट करा.

ACLS INTERNATIONAL PRESS REPORTER ASSOCIATION