सुपा:-(पारनेर)-विद्यार्थ्यांना विज्ञान आणि तंत्रज्ञान क्षेत्रात भविष्यात काहीतरी नावीन्यपूर्ण करण्याची प्रेरणा मिळाली – प्राचार्य जाधव.
पत्रकार राजकुमार इकडे पश्चिम महाराष्ट्र उपाध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
विद्यार्थ्यांना विज्ञान आणि तंत्रज्ञान क्षेत्रात भविष्यात काहीतरी नावीन्यपूर्ण करण्याची प्रेरणा मिळाली – प्राचार्य जाधव.
प्रतिनिधी- सुपा,पारनेर (राजकुमार इकडे)
दिनांक 11 फेब्रुवारी 2026 रोजी न्यू इंग्लिश स्कूल सुपा येथील इयत्ता पाचवी ते नववीच्या जवळजवळ दीडशे विद्यार्थ्यांनी सातारा येथील रयत सायन्स अँड इनोव्हेशन अॅक्टिव्हिटी सेंट शैक्षणिक सहल दौरा केला.
या शैक्षणिक भेटीचा उद्देश विद्यार्थ्यांमध्ये विज्ञानाविषयी आवड निर्माण करणे, प्रयोगांद्वारे शिकण्याची सवय वाढवणे आणि नवोन्मेषी विचारांना चालना देणे हा होता. केंद्रात विविध विज्ञान प्रयोग, आकर्षक मॉडेल्स, इनोव्हेशन हॉल तसेच तंत्रज्ञानाशी संबंधित प्रात्यक्षिके पाहण्याची संधी विद्यार्थ्यांना मिळाली.
विद्यार्थ्यांनी विविध मॉडेल्स प्रत्यक्ष हाताळून पाहिली. त्यामुळे विज्ञान हा केवळ पुस्तकातील विषय नसून तो दैनंदिन जीवनाशी जोडलेला आहे, याची जाणीव सर्वांना झाली. मार्गदर्शकांनी दिलेल्या सविस्तर माहितीमुळे विद्यार्थ्यांच्या मनात विज्ञानाविषयी आत्मविश्वास आणि जिज्ञासा वाढीस लागली.
या भेटीमुळे विद्यार्थ्यांना विज्ञान आणि तंत्रज्ञान क्षेत्रात भविष्यात काहीतरी नावीन्यपूर्ण करण्याची प्रेरणा मिळाली. सहलीचे यशस्वी आयोजन केल्याबद्दल शाळेचे मुख्याध्यापक श्री जाधव एम.के सर, शिक्षकवृंद आणि व्यवस्थापन मंडळ यांचे सर्वांनी मनःपूर्वक आभार मानले.
अशा ज्ञानवर्धक आणि प्रेरणादायी शैक्षणिक सहली विद्यार्थ्यांच्या सर्वांगीण विकासासाठी अत्यंत उपयुक्त ठरतात, हे या भेटीतून स्पष्ट झाले.
सहलीमध्ये सहभागी शिक्षक श्री बबन शिंदे, अभिजीत जाधव, संजय बर्डे, सुवर्णा पाडेकर, प्रतिभा फलके, रूपाली ढाकणे, अश्विनी हावरे, मनीषा गोत्राळ, संगीता चव्हाण, साधना थोरात, पुष्पा शिंदे इत्यादी सहभागी होते.
