वाईने फुंकला स्वाभिमानाचा रणशिंग! २५ जानेवारीपासून ‘वाई महोत्सव’ — महिलांची ताकद, कलेचा स्फोट,अर्थकारणाला गती!
पत्रकार सारिका गवते वाई तालुका महिला अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
वाईने फुंकला स्वाभिमानाचा रणशिंग! २५ जानेवारीपासून ‘वाई महोत्सव’ — महिलांची ताकद, कलेचा स्फोट,अर्थकारणाला गती!
वाई | दि. १८ :
दक्षिण काशी म्हणून ओळखल्या जाणाऱ्या वाई नगरीने आता संस्कृती, स्वावलंबन आणि आर्थिक सामर्थ्याचा एल्गार पुकारला आहे.
महिला सक्षमीकरण, घरगुती उद्योगांना थेट बाजारपेठ आणि स्थानिक कलाकारांना हक्काचे व्यासपीठ देणारा भव्य ‘वाई महोत्सव’ येत्या २५ ते २७ जानेवारी दरम्यान वाई शहरात दणक्यात पार पडणार आहे. हा उपक्रम नगराध्यक्ष अनिल सावंत यांच्या नेतृत्वाखाली वाईच्या विकासाला नवी दिशा देणारा ठरणार आहे.
आजही ग्रामीण महिलांनी तयार केलेली कुरडया, पापड, लोणची, मसाले यांसारखी उत्पादने बाजाराअभावी घराच्या चौकटीत अडकून पडली आहेत. ही कुचंबणा संपवण्यासाठी ‘वाई महोत्सव’च्या माध्यमातून महिलांच्या उत्पादनांना मेट्रो शहरांपासून डी-मार्टसारख्या मोठ्या साखळी स्टोअर्सपर्यंत नेण्याचा ठोस रोडमॅप तयार करण्यात आला आहे. महिलांच्या आर्थिक स्वातंत्र्यासाठी हा महोत्सव निर्णायक टप्पा ठरणार आहे.
📌 तीन दिवस — तीन निर्णायक पर्व
🔸 २५ जानेवारी :
पाच ऐतिहासिक गडांची पवित्र माती आणि पंचनद्यांचे जलपूजन करून छत्रपती शिवाजी महाराजांच्या मूर्तीचे पूजन होणार आहे. यानंतर शालेय विद्यार्थ्यांची भव्य रॅली काढण्यात येणार आहे.
सायंकाळी महिलांसाठी ‘होम मिनिस्टर’ कार्यक्रमाचे आयोजन करण्यात आले आहे.
🔸 २६ जानेवारी :
प्रजासत्ताक दिनाचे औचित्य साधून माजी सैनिक आणि राष्ट्रीय पातळीवरील पदक विजेत्या खेळाडूंचा जाहीर गौरव करण्यात येणार आहे. याच दिवशी ‘कलाकार कट्टा’ अंतर्गत वाईतील सोलो आणि ग्रुप डान्सर्स आपली कला सादर करतील.
🔸 २७ जानेवारी :
भारूड, पारंपरिक वाद्ये आणि लोककलेच्या गजरात ‘लोकप्रबोधन’ कार्यक्रमातून वाईची सांस्कृतिक ओळख ठळक केली जाणार आहे.
🍽️ फूड फेस्टिवल — चवींचा महाकुंभ
ग्रामीण भागातील अस्सल चवींपासून शहरातील लोकप्रिय स्ट्रीट फूडपर्यंत सर्व काही एकाच छताखाली उपलब्ध होणार असून, लघुउद्योजकांना थेट ग्राहक मिळणार आहेत. पर्यटकांसाठीही हा फेस्टिवल मोठे आकर्षण ठरणार आहे.
💰 प्रशासनावर भार नाही; लोकसहभागातून भव्य आयोजन
नगरपालिकेवर कोणताही आर्थिक ताण न टाकता, स्वतःचे योगदान आणि लोकवर्गणीतून सुमारे १५ लाख रुपयांत हा महोत्सव साकारला जात आहे. स्थानिक उद्योजक व दानशूर व्यक्तींनी या उपक्रमाला भक्कम पाठबळ दिले आहे.
नगरपालिकेच्या मागील बाजूस बचत गटांचे स्टॉल, तर मंडई परिसरात सांस्कृतिक कार्यक्रमांची रेलचेल असणार आहे.
हा महोत्सव केवळ कार्यक्रम नसून वाईच्या आत्मसन्मानाचा आणि स्वावलंबनाचा घोष असल्याचे आयोजकांनी स्पष्ट केले आहे.
