फलटण:-फलटणचा पहिला नगराध्यक्ष शिवसेनेचाच- जिल्हाप्रमुख चंद्रकांत जाधव.
ज्येष्ठ पत्रकार अजित जगताप
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
फलटणचा पहिला नगराध्यक्ष शिवसेनेचाच- जिल्हाप्रमुख चंद्रकांत जाधव.
फलटण दि: संपूर्ण पश्चिम महाराष्ट्राचे लक्ष लागलेल्या सातारा जिल्ह्यातील फलटण नगरपालिकेच्या निवडणुकीत सध्या आरोप- प्रत्यारोप होत आहेत. परंतु, उपमुख्यमंत्री व शिवसेना नेते एकनाथ शिंदे यांच्या दमदार कामगिरीमुळे फलटणमध्ये शिवसेनेचा पहिला नगराध्यक्ष होईल. असा ठाम विश्वास शिवसेनेचे सातारा जिल्हाप्रमुख चंद्रकांत जाधव यांनी फलटण येथील मंगळवार पेठ येथे झालेल्या जाहीर सभेत व्यक्त केला.
सातारा जिल्ह्यातील राजकारणातील धुरंदर व अभ्यासू व्यक्तिमत्व आदरणीय श्रीमंत रामराजे नाईक निंबाळकर यांचे चिरंजीव अनिकेत राजे नाईक निंबाळकर यांच्या रूपाने शिवसेनेला नगराध्यक्ष पद लाभणार आहे. त्यामुळे शिवसेनेच्या धनुष्यबाणासोबतच टी.व्ही. व छत्री चिन्ह घेणाऱ्या उमेदवारांचा विजय औपचारिकता बाकी आहे. असे त्यांनी स्पष्ट केले.
या वेळेला शिवसेना महिला संघटिका ज्योतीताई वाघमारे, सातारा जिल्हा परिषदचे माजी अध्यक्ष संजीवराजे नाईक निंबाळकर, माजी आमदार दीपक चव्हाण, महिला जिल्हा संघटिका शारदाताई जाधव, शिवसेना फलटण तालुकाप्रमुख ज्ञानेश्वर पवार, विराज खराडे, विजय मायणे, शहर प्रमुख निलेश तेलखडे व फलटण शहरातील शिवसैनिक व राजे गटाचे निष्ठावंत कार्यकर्ते मोठ्या संख्येने उपस्थित होते.
फलटण शहराच्या विकासासाठी श्रीमंत नाईक निंबाळकर कुटुंबीयांनी खूप मोठे योगदान दिलेले आहे. त्यामुळे त्यांच्या राजकीय वजनाचा वापर सर्वांनीच करून घेतलेला आहे. शिवसेनेच्या रूपाने धनुष्यबाण चिन्हावर फलटणचे सुपुत्र खासदार होऊ शकतात. आता फलटण नगरपालिकेचे नगराध्यक्ष शिवसेनेचा करून दाखवणारच असाही निर्धार जिल्हाप्रमुख श्री जाधव यांनी केला.
फलटण शहरातील प्रचार सभा, पदयात्रा व प्रभाग भेटीमध्ये शिवसेना उमेदवारांना उदंड प्रतिसाद लाभत आहे. अगोदर सर्व उमेदवार विक्रमी मताने निवडून आणल्यानंतर प्रत्येक प्रभागातील कार्यकर्त्यांना त्यांच्या प्रभागातील विकासाचा वाटा मिळणारच आहे. सर्वांना सन्मान व न्याय मिळवून देण्यासाठी ही निवडणूक असून कुणीही अपप्रचाराला बळी न पडता संयमाने ही निवडणूक पार पाडायची आहे.
वरिष्ठ नेत्यांच्या मार्गदर्शनाखाली प्रचाराची रणधुमाळी सुरू असताना विजयाच्या पाऊलखुणा दिसत आहेत. त्यामुळे शिवसैनिकांनी विजयी रथाची तयारी करावी. असेही त्यांनी स्पष्ट केले.
फलटण नगर परिषदेसाठी सर्वच राजकीय पक्षांनी मोर्चा बांधणी केली. ही सुदृढ लोकशाहीची लक्षणे आहेत. तरी ही फलटण नगरीमध्ये शिवसेनेच्या रूपाने मोठे आव्हान उभे केलेले आहे. फलटण आणि श्रीमंत नाईक निंबाळकर घराण्यातील आदरणीय रामराजे नाईक निंबाळकर, रघुनाथ राजे नाईक निंबाळकर, संजू राजे नाईक निंबाळकर, अनिकेत राजे नाईक निंबाळकर यांच्यासोबतच सातारा जिल्ह्याचे पालकमंत्री व शिवसेना नेते शंभूराज देसाई यांनी या निवडणुकी संदर्भात सर्व शिवसैनिकांना चांगल्या पद्धतीने मार्गदर्शन केलेले आहे.
महाराष्ट्रातील महायुतीमध्ये सत्ता असली तरी उपमुख्यमंत्री एकनाथ शिंदे यांचे राजकीय वजन सातारा जिल्ह्यात वाढतच आहे. त्यामध्ये फलटणकर निश्चितच भर घालतील. असा विश्वास विराज खराडे यांनी आपल्या भाषणात व्यक्त केला. फलटण नगरपालिकेच्या सत्तेमुळे शिवसेनेला पुन्हा एकदा सातारा जिल्ह्यात गत वैभव प्राप्त होणार असल्याचे संकेत मिळत आहेत. अशी फलटण नगरीमध्ये चर्चा सुरू झालेली आहे. दरम्यान, ही निवडणूक शांततेत पार पाडावी. कोणत्याही प्रकारे आचारसंहिता भंग होऊ नये. यासाठी निवडणूक निर्णय अधिकारी व कर्मचारी अत्यंत चांगल्या पद्धतीने कामकाज करत आहेत . खऱ्या अर्थाने लोकशाही वातावरणात निवडणूक पार प्रचार होत आहे. नव मतदारांमध्ये सुद्धा मतदान करण्याचा उत्साह वाढलेला आहे. अशी माहिती मिळाली आहे.
