लोणी:-क्ष-किरण दिवसानिमित्त प्रवरा विद्यापीठात सृजनशीलतेचा उत्सव : पोस्टर, प्रबंध, नृत्य स्पर्धांनी विद्यार्थ्यांनी भरला रंग.

क्ष-किरण दिवसानिमित्त प्रवरा विद्यापीठात सृजनशीलतेचा उत्सव : पोस्टर, प्रबंध, नृत्य स्पर्धांनी विद्यार्थ्यांनी भरला रंग.

लोणी – प्रवरा इन्स्टिट्यूट ऑफ मेडिकल सायन्सेस, लोणी येथे जागतिक क्ष-किरण दिवस मोठ्या उत्साहात आणि दिमाखात साजरा करण्यात आला. या विशेष दिवशी संस्थेचे कुलपती मा. श्री. राजेंद्र विखे पाटील, विश्वस्त सौ. सुवर्णाताई विखे पाटील आणि ध्रुव राजेंद्र विखे पाटील यांच्या प्रेरणादायी मार्गदर्शनाखाली हा कार्यक्रम पार पडला. रेडिओलॉजी विभाग प्रमुख डॉ. योगेंद्र सचदेव यांच्या नेतृत्वाखाली या कार्यक्रमाचे आयोजन करण्यात आले.

कार्यक्रमाच्या प्रारंभी रेडिओलॉजी विभागाचे कार्य आणि क्ष-किरण तंत्रज्ञानाचे आरोग्यसेवेत असलेले योगदान याविषयी माहिती देण्यात आली. डॉ. कर्नावट, डॉ. अमिता, डॉ. शिवम, डॉ. नील, डॉ. संगम, डॉ. सिरील, तसेच रेडिओग्राफर राजेंद्र गाडेकर, एमआरआय टेक्निशन रोहिदास घुले, वैभव कुलकर्णी, संदीप गावडे, रितेश कुमकर, क्ष-किरण तंत्रज्ञ श्रीपाद दिघे, सिटी स्कॅन टेक्निशन किरण उंबरकर, प्रशांत सातपुते, वैभव कानडे, मोरे, अनर्थे, आणि क्लार्क बाळासाहेब राक्षे यांची उपस्थिती लक्षणीय ठरली.
या विशेष दिवशी बी.एस्सी. रेडिओलॉजी अभ्यासक्रमातील विद्यार्थ्यांनी मोठ्या उत्स्फूर्ततेने सहभाग घेतला. विद्यार्थ्यांनी पोस्टर प्रेझेंटेशन, रांगोळी स्पर्धा, नृत्य स्पर्धा तसेच विषयाशी संबंधित प्रबंध सादरीकरण यांसारख्या विविध उपक्रमांद्वारे क्ष-किरण तंत्रज्ञानाचे महत्त्व अधोरेखित केले. विद्यार्थ्यांच्या या सृजनशील आणि ज्ञानमूलक सादरीकरणामुळे कार्यक्रमात ऊर्जा आणि उत्साहाचे वातावरण निर्माण झाले.

कार्यक्रमादरम्यान रेडिओलॉजी विभाग प्रमुख डॉ. योगेंद्र सचदेव यांचा वाढदिवसही मोठ्या आनंदात साजरा करण्यात आला. या प्रसंगी डॉ. सचदेव सरांना सहकाऱ्यांनी शुभेच्छा देऊन गौरव केला. आपल्या मनोगतात डॉ. सचदेव सर म्हणाले, “क्ष-किरण तंत्रज्ञान हे वैद्यकीय क्षेत्रातील मूलभूत आधार आहे. आजच्या काळात आधुनिक निदानासाठी रेडिओलॉजीचे महत्त्व अधिक वाढले आहे. विद्यार्थ्यांनी या क्षेत्रात नवीन शोध आणि कल्पकतेने काम करावे, हीच खरी कृतज्ञता ठरेल.”
तसेच डॉ. कर्नावट सर यांनी विद्यार्थ्यांच्या सहभागाचे कौतुक करताना सांगितले की, “प्रवरा इन्स्टिट्यूट नेहमीच विद्यार्थ्यांच्या सर्वांगीण विकासावर भर देते. ज्ञानासोबत संस्कार आणि सर्जनशीलता जोपासणारे हे कार्यक्रम विद्यार्थ्यांच्या भविष्यासाठी प्रेरणादायी ठरतात.”

कार्यक्रमात स्पर्धेत विजेत्या विद्यार्थ्यांना प्रमाणपत्रे व पारितोषिके प्रदान करण्यात आली. पुरस्कार वितरणाचे कार्य डॉ. योगेंद्र सचदेव सर यांच्या हस्ते पार पडले. विद्यार्थ्यांनी आनंदाने आणि अभिमानाने हा सन्मान स्वीकारला.

कार्यक्रमाचे सुंदर आणि प्रभावी सूत्रसंचालन वैष्णवी काळे आणि श्रुती गाडेकर यांनी केले. कार्यक्रमाचे नियोजन आणि समन्वयात डॉ. अमिता मॅडम तसेच विभागातील सर्व विद्यार्थी यांनी परिश्रम घेतले.

कार्यक्रमाच्या शेवटी आभारप्रदर्शन करताना आयोजक मंडळाने उपस्थित सर्व मान्यवर, शिक्षकवर्ग, कर्मचारी व विद्यार्थ्यांचे मनःपूर्वक आभार मानले.

जागतिक क्ष-किरण दिवस म्हणजे विज्ञान, आरोग्य आणि मानवी सेवेला अर्पण केलेला एक दिवस. प्रवरा इन्स्टिट्यूटमध्ये साजऱ्या या दिवसाने केवळ वैज्ञानिक जाणीव वाढवली नाही, तर विद्यार्थ्यांमध्ये नवनिर्मितीची प्रेरणाही दिली. ज्ञान, सर्जनशीलता आणि उत्साह यांचा संगम ठरलेला हा कार्यक्रम सर्वांच्या मनात एक प्रेरणादायी ठसा उमटवून गेला.