साताऱ्यात सर न्यायाधीश गवई यांच्या समर्थनार्थ संविधान संघर्ष मोर्चा…
ज्येष्ठ पत्रकार अजित जगताप
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
माहिती आणि प्रसारण मंत्रालय दिल्ली नोंदणीकृत
साताऱ्यात सर न्यायाधीश गवई यांच्या समर्थनार्थ संविधान संघर्ष मोर्चा…
सातारा दि: भारताचे सर्वोच्च न्यायालयाचे न्यायाधीश व न्याय मंदिरातील प्रमुख भूषण गवई साहेब यांच्यावर सनातनी विचाराच्या वकिलाने हल्ला केला. त्याचा निषेध करण्यासाठी सातारा जिल्ह्यातील आंबेडकरवादी व संविधानाला प्रामाणिकपणाने मांडणाऱ्या विचारांच्या राजकीय पक्षाने आज संयुक्त संविधान संघर्ष मोर्चा काढला. या मोर्चाला अभूतपूर्व यश मिळाले. सत्ताधारी व विरोधी पक्षातील बेगडी संविधान प्रेम सुद्धा यानिमित्त उघडे पाडण्यात आले. अशी प्रतिक्रिया दलित समाजातील नेत्यांनी व्यक्त करून खरी परिवर्तनवादी विचाराची कास धरण्याचे आवाहन केले.
भारताचे सरन्यायाधीश भूषण गवई यांच्यावर झालेल्या भ्याड हल्ल्याचा निषेध करीत संविधान संघर्ष मोर्चाच्या वतीने महामानव डॉक्टर बाबासाहेब आंबेडकर, लोकशाहीर अण्णाभाऊ साठे छत्रपती शिवाजी महाराज यांच्या विचारांना अभिवादन करून हजारोंच्या
संख्येनं महामोर्चा सातारा जिल्हाधिकारी कार्यालयापर्यंत पोहोचला. त्या ठिकाणी मान्यवर आंबेडकरवादी नेत्यांनी आपले विचार व्यक्त करण्यापूर्वी सातारचे जिल्हाधिकारी श्री संतोष पाटील यांना लेखी निवेदन सादर केले. आंदोलकांशी मनमोकळेपणाने संवाद साधून जिल्हाधिकाऱ्यांनी सर्वांचीच मने जिंकली. या वेळेला चोख पोलीस बंदोबस्त ठेवण्यात आला होता.
भारताच्या सर्वोच्च न्यायालयाचे सरन्यायाधीश माननीय भूषण गवई यांच्यावर दि: ६ ऑक्टोंबर रोजी नवी दिल्ली न्यायालयाच्या दालनात झेड सुरक्षा असतानाही सर्वोच्च
न्यायालयात एका जातीयवादी मानसिकतेच्या वकिलाने बुट फेकला. ही घटना अत्यंत दुर्दैवी,
असंविधानिक आणि निंदनीय आहे. देशाच्या सर्वोच्च न्यायसंस्थेच्या प्रमुखांवर हा प्रकार फक्त वैयक्तिक हल्ला नसून, भारतीय न्यायव्यवस्थेच्या प्रतिष्ठेला गंभीर आघात करणारा आहे. सरन्यायाधीश भूषण गवई यांच्यावर व्यक्तिगत हल्ला नसून संपूर्ण न्यायव्यवस्थेवर हा जाणीवपूर्वक खाल्ला आहे.
या कृत्यामुळे जगात भारतीय न्यायव्यवस्थेची प्रतिमा मलीन झाली आहे.संविधानवादी आणि आंबेडकरवादी विचारधारेचे नागरिक, भारताच्या सर्वोच्च न्यायालयाचे मुख्य न्यायाधीश मा. न्यायमूर्ती श्री. भूषण गवई यांच्यावर मनुवादी विचाराच्या वकील राकेश
किशोर तिवारी यांनी बूट फेकून मारण्याचा जो निंदनीय प्रयत्न केला, त्याचा तीव्र शब्दांत निषेध निवेदनाद्वारे व्यक्त केला आहे.
संविधान संघर्ष मोर्चामध्ये सातारा जिल्ह्यातील अनेक मान्यवरांनी कार्यकर्त्यांचं स्वखर्चाने मोर्चा सहभागी होऊन एक जून दाखवली आहे. आंबेडकरवादी सातारा जिल्ह्यातील नेते गणेश भिसे, अशोक गायकवाड, अमोल आवळे, प्रा. अरुण गाडे, दादासाहेब ओव्हळ,संजय गाडे, चंद्रकांत खंडाईत, रमेश उबाळे, कामेश कांबळे, पिंटू गायकवाड, मधुकर आठवले, सत्यवान कमाने, ,सादिकभाई शेख, उमेश खंडझोडे, विजय गायकवाड, के. एस. कांबळे, विशाल कांबळे, गणेश कारंडे, सुधाकर काकडे, अरुण पोळ, वैभव गायकवाड, योगेश धोत्रे, सुरेश बोतालजी, जीवन लिंबारे, किरण बगाडे, सिद्धार्थ कांबळे, अमोल गंगावणे, उमेश चव्हाण, अरुण पवार, ओबीसी नेते भरत लोकरे, प्रकाश फरांदे, अझर मणेर, भाऊसाहेब वाघ, किशोर धुमाळ, अरुण जावळे यांच्यासह मान्यवर कार्यकर्त्यांचे सहभागी झाले होते. यामध्ये आंबेडकरी चळवळीशी नाळ असलेल्या पायल गाडे , पूजा बनसोडे, वंदना गायकवाड, संघमित्रा ओव्हाळ यांच्यासह अनेक माता-भगिनी उन्हाची परवा न करता या महामोर्चात सहभागी झाले होते. त्यांना पाणी व अल्पोहाराची व्यवस्था प्रतापसिंह नगर येथील सामाजिक कार्यकर्त्यांनी केली. तसेच विहे ता. पाटण यांच्यासह अनेक गावातील बौद्ध विकास मंडळांनी आपल्या बांधवांसाठी अल्पोहार व पिण्याच्या पाण्याची व्यवस्था केली.
सर्वोच्च न्यायालयाच्या न्यायाधीशावर हल्ला करूनही त्याबाबत सातारा जिल्ह्यातील राजकीय पक्षाचे काही मनुवादी विचाराचे कार्यकर्ते व पदाधिकारी अनभिज्ञ असल्याचे दिसून आले. सातारा जिल्हा नियोजन भवन मध्ये सातारा जिल्हा परिषद गट व पंचायत समिती गण आरक्षणाच्या सोडतीबाबत अनेक राजकीय पक्षाचे कार्यकर्ते जिल्हाधिकारी कार्यालयात आले. त्यामध्ये महायुती व महाविकास आघाडीचे ही कार्यकर्ते होते. पण, कोणीही या संविधान संघर्ष मोर्चा फिरकले नाही. हा छुपा सनातनवादी व मनुवादी विचार आंबेडकर अनुयायांनी आता तरी झुगारून दिला पाहिजे. असे जुने जाणते आंबेडकरवादी कार्यकर्ते बाबासाहेब गायकवाड, आनंद साठे यांनी आपली ज्वलंत भूमिका मांडली. या संविधान संघर्ष मोर्चा ने आंबेडकरवादी एकजूट पाहण्यास मिळाली. भविष्यात याचे राजकीय समीकरण मांडले तर प्रस्थापितांना चांगला धक्का देऊ शकतो. हे सुद्धा लपून राहिले नाही.
