रत्नागिरी:-पिरंदवणे येथे मंदिर वर्धापन दिन सोहळा उत्साहात संपन्न……
राष्ट्रीय अध्यक्ष संपादक प्रल्हाद चव्हाण - 8208717483
राष्ट्रीय अध्यक्ष संपादक प्रल्हाद चव्हाण – 8208717483
पिरंदवणे येथे मंदिर वर्धापन दिन सोहळा उत्साहात संपन्न……
रत्नागिरी जिल्ह्यातील पिरंदवणे या आपल्या मूळ गावी साठे साठये साठये कुलपुरास्कृत न्यास यांच्या वतीने आयोजित करण्यात आलेला श्री जोगेश्वरी (कुलदेवता) व श्रीमोरेश्वर मंदिराचा वर्धापन दिन सोहळा दिनांक १० मे २०२६ रोजी अत्यंत भक्तिमय आणि उत्साहपूर्ण वातावरणात संपन्न झाला.
या धार्मिक आणि कौटुंबिक सोहळ्यास साठे परिवारातील अनेक सदस्य विविध ठिकाणांहून मोठ्या उत्साहाने सहभागी झाले. महाराष्ट्राबाहेरून तसेच अनेक दूरवरच्या शहरांतून नातेवाईक खास या कार्यक्रमासाठी उपस्थित राहिले. आमच्या वडोदरा येथे सुमारे १२० वर्षांपासून वास्तव्यास असलेल्या पिढीतील माझी आई, काका, काकू, काकांची मुले-मुली, जावई तसेच परिवारातील इतर सदस्य असे एकूण २१ जण या कार्यक्रमासाठी खास पिरंदवणे येथे एकत्र जमले होते. सर्व नातेवाईक एकत्र आल्याने कार्यक्रमाला विशेष आपुलकी, आनंद आणि कौटुंबिक स्नेहाचा सुंदर रंग लाभला.
दोन दिवसीय कार्यक्रमामध्ये गणेश याग, स्तोत्र पठण, पंचामृत पूजा, आरती तसेच विविध धार्मिक विधी संपन्न झाले. महाप्रसादाचे आयोजन करण्यात आले होते. मंदिर परिसरात सर्वत्र भक्तिमय वातावरण अनुभवायला मिळाले. लहान मुलांपासून ज्येष्ठांपर्यंत सर्वांनी उत्साहाने सहभाग घेतला.
या प्रसंगी उपस्थित सर्वांनी मंदिर परिसरात एकत्र येऊन कौटुंबिक छायाचित्रे काढली. विविध पिढ्यांचे एकत्रित दर्शन घडल्याने संस्कार, परंपरा आणि कौटुंबिक ऐक्य यांचे सुंदर चित्र अनुभवायला मिळाले. ज्येष्ठांच्या मार्गदर्शनाखाली तरुण पिढीनेही धार्मिक आणि सामाजिक कार्यात उत्साहाने सहभाग नोंदविला.
साठे कुलपुरास्कृत न्यासाच्या माध्यमातून समाजातील ऐक्य, परंपरा आणि सांस्कृतिक वारसा जपण्याचे कार्य सातत्याने सुरू असून, पिरंदवणे येथील हा सोहळा त्याचे उत्तम उदाहरण ठरला. उपस्थित सर्वांनी भविष्यातही अशा धार्मिक आणि सामाजिक उपक्रमांमध्ये सक्रिय सहभाग घेण्याचा निर्धार व्यक्त केला.
या भव्य आणि यशस्वी सोहळ्याचे उत्कृष्ट नियोजन करणाऱ्या आयोजकांचे आम्ही सर्व उपस्थितांच्या वतीने मनःपूर्वक आभार मानतो. तसेच तन, मन आणि धनाने सेवा करणाऱ्या सर्व कार्यकर्त्यांचे विशेष कौतुक करण्यात आले. मंदिर परिसर व्यवस्था, भोजन व्यवस्था, धार्मिक विधींची तयारी, आगंतुकांचे स्वागत तसेच संपूर्ण कार्यक्रम सुरळीत पार पाडण्यासाठी अनेक सेवाभावी कार्यकर्त्यांनी अथक परिश्रम घेतले. त्यांच्या निस्वार्थ सेवेमुळे कार्यक्रम अत्यंत शिस्तबद्ध, आनंददायी आणि संस्मरणीय वातावरणात संपन्न झाला.
विशेषतः आयोजन प्रतिनिधी श्री सुरेशराव साठे, श्री समीर साठे, श्री संजय साठे, श्रीमती विनया गोखले तसेच सर्व कार्यकर्ते, स्वयंसेवक आणि सेवाभावी मंडळी यांचे आम्ही सर्व मनःपूर्वक आभार मानतो. त्यांच्या समर्पित सेवेमुळे आणि उत्कृष्ट नियोजनामुळे हा सोहळा अत्यंत यशस्वीरीत्या पार पडला.
— डॉ. देवेंद्र रामचंद्र साठे,
वडोदरा (सध्या पुणे)
मो. ८०००००८८५५
