पुणे :-सांताक्रुजच्या जल्लोषात! एमजी रोड–कोरेगाव पार्क–कॅम्प परिसर ख्रिसमसच्या प्रकाशात निघाला उजळून.
पत्रकार विजय देवकुळे पुणे जिल्हा उपाध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
पुणे :-सांताक्रुजच्या जल्लोषात! एमजी रोड–कोरेगाव पार्क–कॅम्प परिसर ख्रिसमसच्या प्रकाशात निघाला उजळून.
पुणे:- शहर आज सांताक्रुज अर्थात
ख्रिसमसच्या उत्साहात पूर्णपणे न्हालं असून एमजी रोड, कॅम्प, कोरेगाव पार्क आणि प्रमुख चर्च परिसरात आनंदाचा महापूर उसळलेला दिसून येतो. पहाटेपासूनच चर्चमध्ये प्रार्थना, कॅरोल्स आणि शांततेचा संदेश देणाऱ्या कार्यक्रमांनी वातावरण भक्तिमय केलं आहे, तर संध्याकाळपासून रस्त्यांवर रोषणाई, सांता थीम सजावट आणि नागरिकांची मोठी गर्दी पाहायला मिळत आहे.
सांताकॅप घातलेली तरुणाई, कुटुंबीयांसोबत सण साजरा करणारे नागरिक, गिफ्ट्सची देवाणघेवाण, सेल्फी पॉईंट्स आणि ख्रिसमस ट्रीज यामुळे संपूर्ण परिसर उत्सवमय झाला आहे. एमजी रोड आणि कोरेगाव पार्कमध्ये दिव्यांची झगमग, लाईव्ह म्युझिक, कॅफे-रेस्टॉरंट्समधील ख्रिसमस स्पेशल मेन्यू यामुळे सणाचा जल्लोष शिगेला पोहोचला आहे.
कॅम्प परिसरातील प्रसिद्ध चर्चमध्ये विशेष मास, कॅरोल सिंगिंग आणि सामाजिक एकतेचा संदेश देणारे कार्यक्रम पार पडत असून, विविध धर्मीय नागरिक मोठ्या संख्येने सहभागी होत आहेत. प्रेम, शांतता, बंधुता आणि सद्भावनेचा संदेश पुण्यातून पुन्हा एकदा अधोरेखित होत आहे.
सणाच्या पार्श्वभूमीवर पोलीस व महापालिका यंत्रणा सतर्क असून वाहतूक व सुरक्षेचे नियोजन काटेकोरपणे राबवण्यात आले आहे. व्यापारी वर्गात समाधानाचं वातावरण असून स्थानिक अर्थव्यवहारालाही चांगली चालना मिळाल्याचं चित्र आहे.
थोडक्यात सांगायचं तर, पुणे शहर आज सांताक्रुजच्या आनंदात पूर्णपणे रंगून गेलं असून उत्साह, भक्ती आणि एकतेचा भव्य उत्सव प्रत्येक रस्त्यावर दिसून येतो.
