महाबळेश्वर:-“दैवी आकाशाची अनुभूती देणारी सजावट; झांजवडमध्ये गणरायाचे थाटात स्वागत!”
राष्ट्रीय अध्यक्ष संपादक प्रल्हाद चव्हाण - 8208717483
राष्ट्रीय अध्यक्ष संपादक प्रल्हाद चव्हाण – 8208717483
महाबळेश्वर:-“दैवी आकाशाची अनुभूती देणारी सजावट; झांजवडमध्ये गणरायाचे थाटात स्वागत!”
महाबळेश्वर तालुक्यातील झांजवड गावात गणरायाचे अनोख्या संकल्पनेतून स्वागत
झांजवड (महाबळेश्वर) : सणासुदीच्या मंगलमय वातावरणात गणरायाच्या आगमनाचा उत्साह सर्वत्र पाहायला मिळत असताना, महाबळेश्वर तालुक्यातील झांजवड गावात लक्षित अनंत जाधव व आनंद मोरे यांनी सहपरिवार नवनवीन संकल्पना आणि कलाकुसरीचा वापर करून श्रीगणेशाची आकर्षक सजावट साकारली आहे.
दैवी आणि आकाशाच्या थीमवर आधारित या सजावटीने परिसरातील नागरिकांचे विशेष लक्ष वेधून घेतले आहे. चकचकीत व पारदर्शक निळसर-पांढऱ्या ढगांची सुंदर आणि लयबद्ध मांडणी करून स्वर्गीय वातावरणाची तसेच चंद्रप्रकाशात उजळलेल्या पर्वतरांगांची अनुभूती निर्माण करण्यात आली आहे.
संपूर्ण मखरात करण्यात आलेली थंड निळसर रंगाची मनमोहक प्रकाशयोजना शांत, पवित्र आणि दिव्य वातावरणाची अनुभूती देत आहे. त्याचबरोबर पारंपरिक डमरू व ढोलक वेगवेगळ्या उंचीवर हवेत लटकवून सजावटीत कल्पकतेची भर घालण्यात आली आहे. त्यामुळे भक्तिमय वातावरणासोबत उत्साह आणि पारंपरिक संस्कृतीची झलकही पाहायला मिळत आहे.
या दिव्य वातावरणाच्या मध्यभागी श्रीगणेशाची सुंदर मूर्ती वस्त्रे, पर्वत आणि ढगांच्या आकर्षक सजावटीत विराजमान करण्यात आली असून, समोर प्रज्वलित समया आणि पूजा साहित्याची मनोभावे मांडणी करण्यात आली आहे.
पारंपरिक भक्तिभाव आणि आधुनिक कलाकुसरीचा अनोखा संगम असलेली ही सजावट पाहणाऱ्या प्रत्येकाचे मन जिंकत असून, झांजवड गावातील गणेशोत्सवाच्या सजावटीत एक वेगळे आणि प्रेरणादायी उदाहरण ठरत आहे.
अनंत शंकर जाधव
पत्रकार व मा. विशेष कार्यकारी अधिकारी
