पुणे:-पुण्यात भक्तिमय वातावरण; संत ज्ञानेश्वर महाराजांच्या पालखीचे जल्लोषात आगमन.
पत्रकार विजय देवकुळे पुणे जिल्हा उपाध्यक्ष
राष्ट्रीय अध्यक्ष संपादक प्रल्हाद चव्हाण – 8208717483
पुण्यात भक्तिमय वातावरण; संत ज्ञानेश्वर महाराजांच्या
पालखीचे जल्लोषात आगमन.
पुणे-१० जुलै : आषाढी वारीच्या पवित्र सोहळ्यानिमित्त संतश्रेष्ठ ज्ञानेश्वर महाराजांची पालखी काल सायंकाळी हजारो वारकरी, टाळ-मृदुंगाचा गजर, हरिनामाचा अखंड जयघोष आणि अभंगांच्या सुरावटीत पुणे शहरात भक्तिभावाने दाखल झाली. संत तुकाराम महाराजांच्या पालखीचेदेखील पुण्यात उत्साहात स्वागत करण्यात आले.
पालखी आगमनामुळे पुणे शहर भक्तिरसात न्हाऊन निघाले. रस्त्यांच्या दुतर्फा उभ्या असलेल्या भाविकांनी फुलांची उधळण करत “ज्ञानोबा-तुकाराम”च्या जयघोषात माऊलींचे दर्शन घेतले. विविध सामाजिक संस्था, स्वयंसेवक आणि प्रशासनाने वारकऱ्यांसाठी पिण्याचे पाणी, वैद्यकीय मदत आणि भोजनाची व्यवस्था केली.
ज्ञानेश्वर माऊलींच्या पालखीचा पुण्यातील मुक्काम हा वारीतील अत्यंत महत्त्वाचा टप्पा मानला जातो. यानंतर पालखी सासवडमार्गे जेजुरी, वाल्हे, लोणंद आणि पुढे पंढरपूरच्या दिशेने प्रस्थान करणार आहे.
“अवघाचि संसार सुखाचा करीन” हा माऊलींचा संदेश आणि विठ्ठलनामाचा अखंड गजर यामुळे पुणे नगरीत भक्ती, समता आणि मानवतेचा अनोखा संगम अनुभवायला मिळत आहे.
