वाई:-मनाचे श्लोक गाजले; संस्कार, शिस्त आणि संस्कृतीचा जल्लोष — व्हिजन स्कूलचा स्नेहसंमेलनात विचारांचा महोत्सव.
पत्रकार सारिका गवते वाई तालुका महिला अध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
वाई:-मनाचे श्लोक गाजले; संस्कार, शिस्त आणि संस्कृतीचा जल्लोष — व्हिजन स्कूलचा स्नेहसंमेलनात विचारांचा महोत्सव.
वाई | प्रतिनिधी
आजच्या स्पर्धात्मक युगात जिथे गुणांच्या शर्यतीत मूल्ये हरवण्याची भीती आहे, तिथे व्हिजन इंग्लिश मिडीयम स्कूल, वाई यांनी संस्कार, संस्कृती आणि चारित्र्यनिर्मितीचा ठाम संदेश देत वार्षिक स्नेहसंमेलनातून आदर्श शिक्षणाचा वस्तुपाठ मांडला.
शुक्रवार, दि. २६ डिसेंबर २०२५ रोजी “अंतरंग समृद्धीसाठी मनाचे श्लोक” या संकल्पनेवर आधारित स्नेहसंमेलन उत्साह, शिस्त आणि विचारांच्या उंचीवर पार पडले.
प्री-प्रायमरीपासून दहावीपर्यंतच्या तब्बल ६५० विद्यार्थ्यांनी रंगमंच गाजवत नाटिका, समूहगायन, भावनृत्य, एकल गीत व समूह नृत्य सादर केले.
संत रामदास स्वामींच्या मनाचे श्लोकांचा आशय केंद्रस्थानी ठेवत, विद्यार्थ्यांनी मनःशुद्धी, आत्मसंयम, सकारात्मक विचार, चारित्र्यनिर्मिती आणि अंतर्मनाची ताकद प्रभावीपणे उभी केली.हे केवळ सादरीकरण नव्हते, तर संस्कारांची जिवंत अनुभूती होती.
कार्यक्रमाचे सूत्रसंचालन विद्यार्थ्यांनीच आत्मविश्वासाने केल्याने उपस्थितांवर विशेष प्रभाव पडला. प्रत्येक सादरीकरणाला प्रेक्षकांकडून टाळ्यांचा प्रचंड प्रतिसाद मिळत राहिला.
कार्यक्रमाचे प्रमुख पाहुणे वाई अर्बन बँकेचे संचालक श्री. विवेक पटवर्धन यांनी, “मनाचे श्लोक हे केवळ साहित्य नाही, तर जीवनाला दिशा देणारे तत्वज्ञान आहे. अशा उपक्रमांमधूनच खरा विद्यार्थी घडतो,” असे ठाम मत व्यक्त करत शाळेच्या संस्कारप्रधान कार्याचे कौतुक केले.
स्नेहसंमेलनादरम्यान शैक्षणिक, क्रीडा, सांस्कृतिक व विविध स्पर्धांतील गुणवंत विद्यार्थ्यांना मान्यवरांच्या हस्ते बक्षिसे देऊन गौरविण्यात आले.
पालकवर्गाने समाधान व्यक्त करत शाळेच्या उपक्रमांचे भरभरून कौतुक केले.
या कार्यक्रमास वाई प्रकल्पाचे अध्यक्ष मा. ॲड. श्री. प्रभाकर सोनपाटकी यांची प्रमुख उपस्थिती लाभली.
शाळा समिती सदस्य मा. श्री. अविनाश जोशी, मा. श्री. सुनील शिंदे, मा. श्री. रमेश कोरडे, मा. श्रीराम भट, मा. सौ. अंजली काणे, मा. सौ. मुग्धा वैद्य व मा. डॉ. स्वाती देशपांडे यांची उपस्थिती कार्यक्रमाची शोभा वाढवणारी ठरली.
मुख्याध्यापिका मा. सौ. विद्या राव यांच्या नेतृत्वाखाली कार्यक्रमाचे नियोजन काटेकोरपणे झाले.
सुपरवायझर सविता सलागरे व अपर्णा सपकाळ, तसेच कार्याध्यक्षा माधवी जाधव व जयश्री कुंभार यांच्या अथक परिश्रमांमुळे स्नेहसंमेलन यशस्वी झाले.
शिक्षकवृंद, शिक्षकेतर कर्मचारी, पालक व विद्यार्थी यांच्या एकत्रित सहभागातून हा कार्यक्रम शिस्तबद्ध, प्रेरणादायी आणि विचारांना जागवणारा ठरला.
एकूणच ‘मनाचे श्लोक’ या संकल्पनेतून अंतरंग समृद्धीचा ठसा उमटवणारे व्हिजन इंग्लिश मिडीयम स्कूलचे वार्षिक स्नेहसंमेलन हे केवळ कार्यक्रम न राहता मूल्यशिक्षणाचा ठोस संदेश देणारा विचारमंच ठरला.
