आंबेगाव:-(पुणे)-सराईत गुन्हेगाराकडून एक गावठी पिस्टल व दोन जिवंत काडतूस जप्त करून त्यास केले जेरचंद आंबेगाव पोलीसांची कौशल्यपुर्ण कामगिरी.
पत्रकार अब्दुल रहीम शेख कात्रज शहराध्यक्ष
ACLS INTERNATIONAL PRESS REPORTER ASSOCIATION राष्ट्रीय अध्यक्ष संपादक प्रल्हाद चव्हाण-8208717483
सराईत गुन्हेगाराकडून एक गावठी पिस्टल व दोन जिवंत काडतूस जप्त करून त्यास केले जेरचंद आंबेगाव पोलीसांची कौशल्यपुर्ण कामगिरी.
दिनांक २१/०१/२०२६ रोजी आंबेगांव पोलीस स्टेशनकडील अंमलदार ज्ञानेश्वर चित्ते व प्रमोद भोसले यांना त्यांच्या गोपनीय बातमीदारामार्फत बातमी मिळाली की, स्वामी नारायण मंदिराजवळ, सर्विस रोडवर, आंबेगाव खु, पुणे या ठिकाणी एक इसम थांबला असून त्याच्याजवळ अग्निशस्त्र आहे. सदबाबत वरिष्ठांना कळविले असता मा. वरिष्ठांनी नमुद ठिकाणी जाऊन खात्री करुन मिळून आल्यास कायदेशिर कारवाई करण्याचे तोंडी आदेश दिले. त्यानुसार आंबेगांव पोलीस स्टेशनकडील तपास पथकाचे मोहन कळमकर, पोलीस उपनिरीक्षक यांनी पथकासह जावून मिळालेल्या बातमीचे ठिकाणी जावून इसम नामे सुयश सोमनाथ घोडके, वय २४ वर्षे, काम-शेती, रा. फ्लैंट नं १७, सिध्दी हाईट्स, अभिनव कॉलेज जवळ, नन्हे, पुणे यास ताब्यात घेतले. त्याच्याकडून अंदाजे रु ४१,०००/- रु किंमतीचे एक गावठी पिस्टल व दोन जिवंत काडतूस जप्त केले. त्यानंतर त्यास आंबेगांव पोलीस स्टेशन येथे आणून त्याच्या विरुध्द गुन्हा रजिस्टर नंबर २७/२०२६, भारतीय शस्त्र अधिनियम कलम ३ (२५) व महाराष्ट्र पोलीस अधिनियम कलम ३७ (१) (२) (३) सह १३५ अन्वये गुन्हा दाखल केला. नमूद आरोपीस दाखल गुन्हयात अटक करून त्याची में न्यायालयाकडून दिनांक २३/०१/२०२६ पर्यंत पोलीस कोठडी घेतली असून त्याबाबत तपासी अधिकारी मोहन कळमकर, पोलीस उप-निरीक्षक अधिक तपास करीत आहेत. वर नमूद आरोपीविरुध्द वालचंद नगर पोलीस स्टेशन, ता. इंदापूर पुणे ग्रामीण याठिकाणी गुन्हे दाखल आहेत.
सदरची कारवाई पोलीस आयुक्त, पुणे शहर मा. अमितेश कुमार, सह पोलीस आयुक्त मा. रंजनकुमार शर्मा, अपर पोलीस आयुक्त, पश्चिम प्रादेशीक विभाग पुणे मा. राजेश बनसोडे, पोलीस उपआयुक्त परिमंडळ-२ पुणे श्री मिलींद मोहिते, सहा. पोलीस आयुक्त, भारती विद्यापीठ विभाग पुणे श्री. राहुल आवारे यांचे मार्गदर्शनाखाली आंबेगाव पोलीस स्टेशनचे वरिष्ठ पोलीस निरीक्षक श्री. शरद ड्रिाने, पोनि गुन्हे गजानन चोरमले, पोलीस उपनिरीक्षक मोहन कळमकर, पोलीस अंमलदार शैलेंद्र साठे, चेतन गोरे, हणमंत मासाळ, निलेश जमदाडे, हरिश गायकवाड, धनाजी धोत्रे, सचिन गाडे, प्रमोद भोसले, नितीन कातुर्डे, सुभाष मोरे, योगेश जगदाळे, शिवाजी पाटोळे, अजय कामठे, ज्ञानेश्वर चित्ते, राकेश टेकवडे यांच्या पथकाने केली.
